Санкт-Петербургын Уласхоорондын эдэй засагай хуралдаан дээрэ «Озон» болон Буряад Улас регион дотор логистикын хүгжөөхэ тухай хэлсээ баталһан байна. Энэ хэлсээнэй хэмжээндэ «Озон» эмхи 3,2 миллиард түхэригһөө дээшэ мүнгэ һомололготойгоор республика дотор логистикын томо түб байгуулха түсэбтэй гэжэ «Озоной» хэблэлэй албан мэдээсэнэ.
Логистикын түб 2027 ондо нээгдэхэ түсэбтэй. Энэнь бараа абахаһаа эхилээд, боодол боохо, хүргэхэ хүрэтэр захилай бүхы циклые бэелүүлхэ. Энэ комплекс 35,000 дүрбэлжэн метрһээ дээшэ талмай эзэлхэ, тэрэ тоодо хүргэхэ түб, склад 5 саяһаа дээшэ зүйлнүүдые багтааха ба үдэр бүри зуугаад мянган захилай болбосоруулха аргатай.
- Буряадай олон олзын хэрэг эрхилэгшэд сахим худалдаа наймаанай талмайнуудта орожо, бүхы гүрэн дотор шэнэ хэрэглэгшэдые оложо, үйлэдбэриеэ үргэдхэжэ байна. «Озоной» логистикын түбэй бии бололго хадаа манай олзын хэрэг эрхилэгшэдтэ Ород гүрэнэй бусад можо нютагуудта эд бараагаа түргөөр, зохидхоноор эльгээхэ арга олгоно. Энэ хадаа республикын ажаһуугшадта түргөөр хүргэхэ гэһэн удхатай. «Үшөө тиихэдэ эдэ ажалай шэнэ һууринуудые бии болгожо, татабариин нэмэлтэ олзо оруулна, регионой эдэй засагай хүгжэлтэдэ үшөө нэгэ алхам болоно», - гэжэ уласай хүтэлбэрилэгшэ Алексей Цыденов тэмдэглэбэ.
