Буряад Уласай Арадай Хуралай түрүүлэгшын уялгануудые дүүргэжэ байгша Цыденжап Батуев шахтернуудые мэргэжэлтэ һайндэрөөрнь хани халуунаар амаршалба. «Энэ үдэр, шулуу нүүрһэ олзоболихо аюул ехэтэй, бэлэн бэшэ мэргэжэл шэлэһэн зүрхэ зоригтой, ажалдаа шударгы зониие амаршалжа байнабди. Өөрын хэрэг ажалаа табан хурга мэтэ мэдэхын хажуугаар, бэе бэедээ дүмүү хандасатай, ямарш ушарта нүхэртөө туһа хүргэхөөр бэлэн байха хүсэл зоригтойт. Танай ажалай ашаар ашагта малтамал олзолхо һалбари Ородой уласта эгээл амжалтатай, урагшатай гэжэ тоотой», - гээд амаршалга дотор хэлэгдэнэ.
Буряад орондо туд һалбари мүн лэ урагшатай, гээд Батуев тэмдэглэхэ зуураа, шэнэ-шэнэ уурхайнууд болбосоруулагдана, олзоборилгын мүнөөнэй онол арганууд нэбтэрүүлэгдэнэ, шэнэ дэлгүүрнүүд татагдана. Бидэ «Түгнын уурхайгаараа» дэмыдэ бэшэ омогорхонобди, тэрэмнай Ород гүрэн дотороо шулуу нүүрһэ олзоборилгоор эгээл ехэ үйлэдбэринүүдэй тоодо оролсоно. Тиигээдш, Бэшүүрэй, Сэлэнгын, Яруунын аймагуудта хара шуулуун эдэбхитэйгээр олзоборилогдоно бшуу.
«Буряад уласта ашагта малтамал олзоборилгые хүгжөөхэ талаар хүсэд хэрэгтэй хуули ëһонууд абтаатай. Тиин, Арадай Хуралай депутадууд «Буряад Уласай ехэ үйлэдбэриин түрэ тухай» хуули баталан абаа һэн. Налог татабариин хуулида инвесторнуудые татахын тулада элдэб хүнгэлэлтэнүүд хараалагданхай. Танай һалбари холын хараатай. Шахтернуудай арьбан ажал саашадаашье улад зондо хүндэтэй үлэхэ аабза гээд бата этигэнэб», - гэжэ спикерай уялгануудые дүүргэжэ байгша онсолһон байна.
