Буряадай Толгойлогшо Алексей Цыденов Ородой Холбооной МЧС-эй сайд Владимир Пучковай хүтэлбэри доро үнгэрһэн онсо байдалай талаар Засагай Газарай тусхай комиссиин суглаанда хабаадаба. Энэ жэлдэ ушарһан түймэр сараха хаһын дүнгүүд тэндэ соглогдоһон байна. Буряадай Толгойлогшо Алексей Цыденов элидхэл соогоо, Буряад орондо ойн түймэрэй һүжэрхэ ушарнууд үсөөрөө, эзэлһэн дэбисхэрыньшье һураггүй бага болгогдоо гээд тэмдэглэхэ зуураа, зарим тэды һэргылэмжын хэмжээнүүдые нэбтэрүүлһэнэй туһаар байдал энэ талаар бараг гаралсаа, гээд соносхоһон байха юм.
Нэн түрүүн, улас түрын хэмжээндэ аша үрэтэй ажалһаа иимэ дүн туйлагдаа. Тиигээдшье, Оросой МЧС-эй авиациин харуул эдэбхитэйгээр хабаалуугдаһан байна гэжэ мэдүүлээ.
Алексей Цыденов элидхэл дотороо, үшөө нэгэ шухала нүхэсэл онсолон тэмдэглээ – улад зонтоёо һайнаар хүдэлжэ, энэ хэрэгтэ хабаадуулхада ехэ аша үрэтэй байна. Ойгоо харууһалжа эрьехые, старостануудые томилхо гэхэ мэтые хараада абаха шухала гээд тэрэ дурдаа.
-Нютаг бүхэндэ старостануудые томилдог арга нүхэсэл Буряад уласта яһала урагшатайгаа гэршэлээ. Имагтал старостануудай оролдолгоор харууһанай бүлэгүүд эмхидхэгдэнэ, аймагуудай дохёо мэдээнэй албангуудтай дары түргэн харилсаан зохёогдон татагдана. Эдэ мэтын һэргылэмжын ажалнууд Буряад орондо түймэр саралгын шанар шэнжэ эрид һайжаруулаа, - гээд Алексей Цыденов соносхоһон байна.
