Буряадай филармониие усадхаха тухай шууяа Арадай Хуралай Мүнгэн һангай, налогай болон мүнгэнэй эрьесын талаар хорооной түрүүлэгшэ Зоригто Цыбигмитов тайлбарилжа үгэбэ. Тэрэнэй тэмдэглэһээр, хүгжэмэй тэрэ хүреэлэниие үгы хэхэ тухай яряа гараашьегүй, гаранашьегүй, гээд Буряадай парламентын хэблэлэй албан дуулгаба.
Соёлой һалбариие хангалтын мүнгэ гаргашануудые хасаха тухай боломжо олондо мэдээсэл тараагшадай болоод юрэ интернет харилсаанай шууяа татаа һэн гээд һануулая. Урда долоон хоногой туршада 2017 оной бюджет бүридүүлхэ талаар ажалай бүлэгэй суглаан болоо һэн, тэндэ соёлой эмхинүүдэй хангалтын оршо-гаршын шүүмжэлэл хэгдэһэн байгаа, тэрэ тоодо Буряадай гүрэнэй филармониин байра байдал харагдажа үзөө бэлэй. Цыбикмитовай онсолһоор, ажалай бүлэгэй суглаанда соёлой сайдай үгы байһаниинь депутадуудые ехэтэ гайхуулаа.
Соёлой һалбариин хүтэлбэрилэгшэдэй иимэ амин шухала хөөрэлдөөндэ бэеэрээ хабаадалсахые хэн хорёоб? Угайдхадаа энэ нюуса хөөрэлдөөн байгаа бэшэ, Соёлой яамна эндэ хэнииешье уряа һаань болохо һэн. Дахин дабтахаб: энэ эмхиие усадхаха тухай яряан болоогүй, энэ сагта хүр үгэ гараа үды. – гээд хорооной түрүүлэгшэ тэмдэглээ. Энэ хөөрэлдөөндэ бидэ филармонииньшье түлөөлэгшэдые хүлеэгээ һэмди. Гүрэнэй эмхиин хүтэлбэрилэгшын олоной һонорто интернет соо харилсагшадаа «нютагай бүдүүрхүү зантай» гэжэ һэжэглэжэ байхань намай гайхахын ехээр гайхуулаа.
2017 оной бюджет ехэ хэсүү, гээд һунгамал һануулна, «бүһэеэ татаха саг ерээ», иимэ байдалда республикын парламентын депутадууд тус һалбариие хосоороогоогүйл һаа гэжэ бүхыгөөрөө оролдожо байна.
Хооһон газарта таамаг шууяа татаха гээшэ огто туһагүй. Уулзажа хөөрэлдэхэ хэрэгтэй, - гээд Цыбикмитов тэмдэглэбэ. Буряад филармони тухай хэлэхэ болоо һаа, тэндэ дүн хамта 45 хүн ажаллана, гэбэшье тэдэнэй тоодо нэгэшье зүжэгшэн, дуушан али хүгжэмшэн үгы, гээд хорооной түрүүлэгшэ тайлбарилна.
Тиимэһээ удаадахи сэсэн асуудал гаража ерэнэ: Наталья Улановагай өөрэйнь нэрлэһээр юрын продюсерско түбтэ дан олон бэшэ гү? Гэхэшэлэн, улас доторноо соёлоо хүгжөөхэ талаар асуудал хурсаар тобойһон зандаа. Хатуухан саг буужа байна, зүгөөр энэ мэтэ «пиар-алхамууд» хэндэш аша туһа лаб асархагүй. Соёлой һалбариин түлөөлэгшэдэйш һанаагаа зобохые ойлгоноб, мүн өөрын хамта хүдэлжэ байдаг нүхэдыешье баһал ойлгожо байнаб. Арадай Хуралай олонхи депутадууд өөр өөрын аймагуудһаа дэбжүүлэгдэжэ һунгагдаа, сэхыень хэлэбэл, тэндэнь хүгжэм аялгын классика тухай хүнүүд һанажа балай байдаггүй.
