Буряад Уласай Толгойлогшо Алексей Цыденов Санкт-Петербургын уласхоорондын эдэй засагай хуралдаанай хэмжээндэ үнгэргэгдэһэн «Эм зүйн хүртээмжэдэ хандиб оруулалга: молекулаһаа үбшэнтэн хүрэтэр» гэһэн стратегическа сессидэ хабаадаба. Элүүрые хамгаалгын сайд Михаил Мурашкатай, мүн тиихэдэ федеральна засагай зургаануудай, эмнэлгын эрдэмэй, фармацевтическэ компанинуудай, мэргэжэлтэдэй түлөөлэгшэдтэй хамта эмэй аюулгүй байдал болон ажаһуугшадта мүнөө үеын эмнэлгын туһаламжада хүртэхын талаар асуудалнуудые зүбшэн хэлсэбэ.
Субсидитэй эмүүдээр хангаха талаар Буряад орон эршэтэйгээр ажал ябуулна гэжэ уласай хүтэлбэрилэгшэ тэмдэглэбэ. Мүнөө республикын 131 мянганһаа дээшэ ажаһуугшад иимэ туһаламжада хүртэнэ. Үнгэрһэн жэлэй туршада субсидитэй эмээр хангалгын мүнгэн 40% шахуу нэмэгдэжэ, 3,6 миллиард гаран түхэригтэ хүрөө, эдэ гаргашануудай ойролсоогоор 70% республикын бюджедтэ хангагдана.
"Эмүүдэй хэрэгсэл нэмэгдэжэ байһаншье һаа, бидэ мүнгэ һомололго нэмэгдүүлжэ, тоон шиидхэбэринүүдые бэелүүлжэ, эмнэлгын туһаламжа абаха арга боломжые һайжаруулха шэнэ аргануудые бэдэржэ байнабди", - гэжэ тэрэ онсолбо.
Сессиин үедэ уласай толгойлогшо субсидиированна эмээр хангалгын гурим саашадаа һайжаруулха болон можо нютагуудай дэмжэлгын нэмэлтэ хэмжээнүүд тухай асуудалнуудые мүн лэ бодхообо.
Тиихэдэ эм зүйн һалбариин түлөөлэгшэдые Буряад Уластай хамта ажал ябуулхыень уряа.
