Арадай Хуралай спикерай уялгануудые дүүргэжэ байгааша Цыденжап Батуев худалдаа наймаанай ажалшадые мэргэжэлтэ һайндэрөөрнь амаршалба. «Хүндэтэ худалдаа наймаанай ажалшад, Буряад Уласай Арадай Хуралай депутадуудай нэрэһээ мэргэжэлтэ һайндэрөөртнай - Худалдаа наймаашанай үдэрөөр, хани халуунаар амаршалнаб!», - гээд амаршалга дотор хэлэгдэнэ.
«Худалдаа наймаан гээшэмнай хүн түрэлтэнэй хүгжэхэ сагта эдэй эрьесын гол хүдэлгүүр мүн. Хүпеэсүүд, зоригтой, һанаамгай, туршалсаха бэлэн хүнүүд лэ улас түбинүүдые имагтал холбоогоо. Мүнөөнэй үедэ худалдаа наймаанай аша үүргэ улас дээшэлээ. Энэ һалбарида хэдэн сая хүн хүдэлдэг. Эмхи зургаануудынь үйлэдбэридэ горитой хубитаяа оруулдаг, нилээд ехэ налог оруулна. Буряад Уласай худалдаа наймаанай һалбари эдэбхитэйгээр хүгжэжэ байна. Байра байдалынь һайжараа, дэлгүүр дээрэ бага ехэ зэргын эмхинүүд олон болонхой. Хүн зониие хангаха талаар шанар шэнжэнь һураггүй дээшэлээ. Эд бараанай янзанууд олошороо. Буряад ороной оршон байдал энэ һалбариин хүгжэхэ бүхы аргануудые олгуулна», - гээд Батуев тэмдэглээ.
