Буряад Уласай Толгойлогшо Алексей Цыденов майн 9-дэ Монголо й засаг түрын эрхэтэй түлөөлэгшэдтэй ажалай хэдэн уулзалгу үнгэргөө. Юрэнхыдөө, тэдэ зон Агуу Илалтын һайндэртэй баяр найртай дашарамдуулан, олзо эрхилхэ арга боломжонуудые шэнжэлгын хуралдаанда хабаадаха хүсэлтэйгээр айлшалһан байна. Тиигэжэ, Буряадай Толгойлогшотой уулзалгада Монголой Гүрэнэй Агууехэ Хуралай гэшүүн, парламентнууд хоорондын «Монгол – Буряад уласууд» бүлэгэй түрүүлэгшэ Н. Оюундарь, Монголой Үндэһэтэнэй худалдаа наймаанай – үйлэдбэриин палатын генсекретарь Э. Оюунтэгш, Монголой вице-премьерэй зүбшэлэгшэд О. Эрдэнэчимэг, Ц. Ганболд, эдеэ хоолой яаманай гүрэнэй секретарь Д. Энхбат гэгшэд болон бусад хабаадалсаба.
Энэ одоо хэрэг эрхилдэг зоной хабаадалгатай В2В түхэлэй хоëрдохи уулзалга мүн. Манай ехэ-ехэ нэгэдэлнүүд Монголтой эб хамта хүдэлхэ эрмэлзэлтэй гээд мэдээжэ, тиимэһээ энэ уулзалгамнай хоорондохи харилсаа улам бэхижүүлхэ хэрэгтэ маша ехэ туһатай байхань дамжаггүй, - гээд Алексей Цыденов тэмдэглээ.
Гадна, нëдондоно й тоо баримтануудаар, Монголһоо Буряад руу оруулагдаһан эдэй хэмжээн 26 хубяар, зүгөөр эндэһээ тиишээ абаашагдаһан эдэй хэмжээн 16 %-ээр дээшэлээ, гээд тэрэ нэмэхэ юм. «Энэ жэлэй түрүүшын кварталда туйлагдаһан эршэ хүсэн бууранагүй, жэлэй туршада хоорондохи андалдаамнай эршэдэжэл байха гээд найданаб», - гэжэ улас можын толгойлогшо онсолбо.
Буряад Монгол хоëрой хоорондохи нүхэд ëһоной харилсаанда хабаатай асуудалнууд: тамуужан дабалгын, налог оросо таталгын, мал адуунай болон ургамал ногооной эдеэ зүйлэй шанар шэнжын гэхэ мэтын эрилтэнүүдые гуримшуулга, - энэ удаа зүбшэн хэлсэгдэһэн байна.
