Новости на бурятском языке | Главное

Энэ болзорой зарлалай Арадай Хуралай һүүлшын, ээлжээтэ хуралдаан үнгэрбэ

Новости на бурятском языке 4 Июля 2018 г., 10:14

Теги:

Твитнуть

Отправить

Июниин 28-да Арадай Хуралай ээлжээтэ хуралдаан Улаан-Үдэдэ ажалаа дүүргэбэ. Суглаан дээрэ 33 асуудал харагдахаар түсэблэгдэнхэй. Тэрэшэлэн, һунгамалнууд «Засагай Газарай сагай» үргэлжэлдэ Буряад Уласай Засагай Газарай Агуу Илалтын 75 жэлэй ойдо бэлдэлгэ тухай тоосоо шагнаха зэргэтэй.

Түрүүшын дуугаар Буряадай Толгойлогшо Алексей Цыденовай Засагай Газарай ажал хүдэлмэри тухай тоосоон табигданхай. Тэрээн зуураа тэрэ депутадуудай асуудалнуудта харюусаха зэргэтэй. Энэ асуудалаар гол элидхэгшын хажуугаар Арадай Хуралай Олониитын түрын талаар хорооной түрүүлэгшын орлогшо Виктор Малышенко элидхэл хэлсэхэ.

Гадна, улас түрын 2017 оной мүнгэн һангай эрьесэ тухай тоосоон эндэ баталагдаа. Урид олоной хабаадалгатай уншалганууд дээрэ Буряад Уласай мүнгэн сангай сайд Всеволод Мухин гол баримтануудтаяа танилсуулһан байгаа. Буряад уласай олзо орошо нëдондо 50,2 миллиард түхэриг бүридүүлээ, гарзань – 52,2 миллиард, тиин абахада, уласай мүнгэн сангай эрьесэ 2,1 миллиард түхэриг дутуугаар гүйсэбэ ха. Гүрэн түрын урдахи үри энэ сагта 11,3 миллиардда хүрөөд байна, гэбэшье, үриин энэ хэмжээн Ородой Холбооной Уласай Мүнгэн сангай кодексоор баталагдаһан хэмдэ багтаһан жэшээтэй болоно.

Нëдондо Буряад уласай өөрын налог татабариин, бусадшье орошонууд 0,3 %-оор доошолоо, харин бусаалтагүйгөөр ороһон мүнгэнүүдэй хэмжээн 24,3 %-оор дээшэлээ, тиин тиигэн, улас түрын өөрын олзын хэмжээн юрэнхы дээрээ 2016 онойхи 51 %-ын хажууда 46 % бүридүүлээ. Бодото дээрээ налог татабариһаа һанда 2016 онойхиһоо 13 саяар дээшэ мүнгэн ороо. Зүгөөр налогһоо гадуур орогшо мүнгэнэй хэмжээн 72,3 саяар доошолһон байна. Мүн тиихэдэ, 2017 ондо аяар 1,5 миллиард мүнгэн ашаглагдаагүй үлөө. Ехэнхинь - барилгын яаманай зэмэ. Гол шалтаг гэжэ, тушаалтад мүнгэнэй оройтоһые гү, али дабхар-дабхар тендернүүдые соносхохо баатай болохые нэрлэбэ, тиигээд, эды ехэ мүнгэнэй хэлсээнүүдые диилэхэ арга шадалтай компанинууд энээгүүрнай үгы шахуу юм ха.

Заметили опечатку? Выделите ошибку и нажмите Ctrl+Enter.

Комментарии к новости

Оставить комментарий к новости

Другие новости

4 Июля 2018 г. Арадай Хуралай түрүүлэгшэ Буряад уласай толгойлогшын тоосоо тайлбарилба Буряад Уласай толгойлогшын тоосоон июниин 28-да табадахи зарлалай парламентын һүүлшын хуралдаан дээрэ шагнагдаа. Хуралай спикерай тэмдэглэһээр, тэрэ тоосоон яһала үнэн зүб байба, гээд Восток-Телеинформ дуулгана.
4 Июля 2018 г. «Үдэшэлсэхэ сагнай ерээ үды»: Арадай Хуралай һүүлшын хуралдаан шагналнуудһаа захалаа Арадай Хуралай энэ болзорой зарлалай һүүлшын хуралдаан шагналнуудһаа эхилээ. Суглаанай урда спикер Цырен-Даши Доржиевай соносхоһоор, энэ хуралдаан онсо удхатай, юуб гэхэдэ, зарлалай хүдэлхэ болзорые тэрэ эсэслэхэ болоно. Энэ ушарһаа шалгарһан депутадуудай аша габьяа хайра шагналнуудаар, үргэмжэлэй үнэмшэлгэнүүдээр болоод үнэ сэнтэй бэлэгүүдээр тэмдэглэхэ гэжэ шиидхэбэри абтаһан байгаа. Һунгамалнуудта тэдэниие уласай толгойлогшо Алексей Цыденов барюулба, гээд Восток-Телеинформ дуулгана.
4 Июля 2018 г. Буряад Уласай табадахи зарлалай Арадай Хурал 900 хуули ëһо баталан абаа Буряад Уласай Арадай Хуралай табадахи зарлалай һүүлшын 30-дахи хуралдаан июниин 28-да түгэсэбэ. Парламентын спикер Цырен-Даши Доржиевай тэмдэглэһээр, үнгэрэгшэ табан жэлэй туршада һунгамалнууд улас түрын хэмжээнэй аяар 900 гаран хуули ëһо баталан абаа, тэдэнэй 85-ниинь шэнээр зохëогдоһон үндэһэ табиһан хуули мүн, гээд Восток-Телеинформ дуулгана.
15 Июня 2018 г. Солонгосой бұлгэм Байгал дээрэ курорт барихань Солонгос ороной нэгэ бүлгэм Байгал дээрэ аяншалгын түб һаядаа барихань. Энээн тухай хэлсээндэ Буряад Уласай Толгойлогшо Алексей Цыденов болон солонгосой «ГЕО ГРУПП/Ист Азия Ко., Лтд Энерджи» бүлгэмэй юрэнхылэгшэ Ву Таеквонг гэгшэд мэнэ һаяхана, июниин 7-до гараа табилсаба.
15 Июня 2018 г. Ородой Холбооной Үйлэдбэри наймаанай сайд Буряад уласта нэбтэрүүлэгдэжэ байһан инвест-түсэлнүүдые дэмжэбэ Ородой Холбоото Уласай Үйлэдбэриин ба худалдаа наймаанай сайд Денис Мантуров Буряад орондо нэбтэррүүлэгдэжэ байһан инвест-түсэлнүүдые ехэ дэмжэнэ. Улаан-Үдын авиазаводай бизнес-түбтэ олзын хэрэн эрхилэгшэдтэй тэрэ июниин 8-да уулзаһан байна. Нютагай олзо эрхилэгшэдэй дунда улас түрын томо-томо компани нэгэдэлнүүд тэндэ дурадхагдаа гэбэл, Сэлэнгын ЦКК, «Ажур-текс», БЛК, Улаан-Үдын авиазавод, ЛВРЗ, «Тимлюй цемент», «Байгалай аршаан юулгын завод», «ДРД» болон бусад.