Арадай Хуралда Буряад Уласай 183 хуули 2015 ондо абтаа. Буряадай парламентын «Единая Россия» фракциин ударидагша Владимир Павловай Арадай Хуралай Зүблэл дээрэ дуулгаһаар, энэ хадаа түсэблэгдэһэнһөө аяар зургаа дахин дээшэ.
- Нэмэлтэ хуулинууд юундэ абтаха болооб гэхэдэ, гүрэн түрын хуули ёһонуудай хубилхаһаа шалтагтай. Тэрэшэлэн, эдилгэ абахые усадхахын тула, засаг зургаануудай эдэбхи үүсхэлнүүдые хуулинуудта оруулхын тула гэхэ мэтын ушарнууд энээндэ нүлөөтэй, - гэжэ Павлов онсолбо.
Абтаһан хуулинуудай дунда Хотын байра байдал зохёолгын хороон 51 хуули һунгамалнуудай үзэмжэдэ бэлдээ, энэнь 27,8 % бүридүүлнэ, гэхэ зуура Хүн зоной ажаһуудал хангалгын хороон 36 хуули зохёогоо (19,7 %). Эдэй хороон 31 хуули, Мүнгэн һангай хороон 28 хуули, Газарай асуудалнуудай талаар хороон – 22, мүн Регионхоорондын холбонуудай талаар хороон 15 (8,2%) хуули үзэмжэдэ дурадхаһан байна.
