Иимэ шиидхэбэри тэдэ Бурядай гүрэнэй университедэй багшанар болон хүдэлмэрилэгшэдтэй уулзалгын үедэ абтаба гээшэ. “Энэ байдалые бидэ харангүй гараха ёһогүйбди, - гээд Буряад Республикын Арадай Хуралай депутат Бато Семенов Хэлэбэ.
Урда долоон хоногто Бурядай гүрэнэй университедэй ректорай уялгануудые дүүргэгшээр Буряад Республикын Һуралсалай болон эрдэм ухаанай министерэй орлогшо ябаһан Николай Мошкин томилогдоо. Харин дээдэ һургуулиин ажалшад энээнтэй таһа арсаба.
Россин Федерациин Һуралсалай министерствын кадрова политикын талаар департаменты дарга Улаан-Үдэ ерэжэ, Николай Мошкин тухай Зарлиг дуулгаба. “Бидэ Буряадай университедые байгуулагша болонобди. Тиимэһээ, бидэ ректорай уялгануудые дүүргэгшээр ямаршье хүниие табиха аргатайбди”, - гээд Москвагай дарга мэдүүлээ һэн. Тиихэдэ, Николай Мошкинай нэрэ Буряад Республикын Толгойлогшо Вячеслав Наговицынтай хэлсэгдэһэн байна.
- Бидэ Хуулиин урдаһаа ябанагүйбди. Эндэхи ажалшадай, манай урдаа хараха эрдэмтэдэй һанаа бодол хэншье хараадаа юундэ абанагүйб? Олониитын һанамжа хэншье шагнанагүй, - гээд Бато Семенов шанга асуудалнуудые табина.
Арадай Хуулиин ээлжэтэ бэшэ сессии зарлаха тухай мэдээсээл сугларагшад альга ташалгаар угтан абаба.
