Солонгос ороной нэгэ бүлгэм Байгал дээрэ аяншалгын түб һаядаа барихань. Энээн тухай хэлсээндэ Буряад Уласай Толгойлогшо Алексей Цыденов болон солонгосой «ГЕО ГРУПП/Ист Азия Ко., Лтд Энерджи» бүлгэмэй юрэнхылэгшэ Ву Таеквонг гэгшэд мэнэ һаяхана, июниин 7-до гараа табилсаба.
Энэ болотор манай бүлгэм Монголой Эдэй түрын хүгжэлтэдэ хүсэ шадалаа оруулан хүдэлжэ байгаа. Харин энэ удаа танайшье уласта арга нүхэсэлнүүдээ шэглүүлхэ хүсэлтэйбди. Һаяын үдэрнүүдтэ Байгал дээрэ үгтэһэн газарнуудые харахабди, тиин һарынгаа эсэстэ инвест-түсэлөө бэелүүлжэ захалха байхабди, - гээд Ву Таеквонг найдуулба.
Тус түсэлынь Байгал шадарай аймагтахи «Байкальская гавань» гэһэн тусхай үүргэтэ дэбисхэр дээрэ бэелүүлэгдэхээр түсэблэгдэнхэй. Энэ хадаа Байгал далайн эрьедэ оршодог ори ганса таарама газар мүн. Инженернэ оршон байдал «Пески» болон «Турка» гэдэг талмайнуудта зохëогдонхой юм. Харин энэ сагта барилгада таатай тэндэхи дэбисхэр талмайнууд эзэлэгдэнхэй, гэбэшье ямар ұйлэ хэрэгүүд хэдэн жэлэй ябуулагданагүй.
Хараалагдаһан үнөөхи түсэлэй гаргашын хэмжээн, мүн бэелүүлхэ арга нүхэсэлнүүдынь хүсэд эли бэшэ. Хожом энэ талаар онсо удхатай хэлсээнэй баталагдаһанай удаа тодорхо байха. Гадна, Байгал шадарай аймагта ажаһуугшадай байра байдал һайжаруулха хараа түсэбтэ инвестор мүн лэ анхаралаа хандуулха зэргэтэй.
