Буряад Уласай Толгойлогшо Алексей Цыденов «APU Company» гэһэн нэгэдэлэй хүтэлбэрилэгшэдтэй майн 21-дэ уулзаба. Монголой тэрэ нэгэдэлэй түлөөлэгшэдые генаральна зарлал Ц. Эрдэнэбилэг толгойлоо. Харилсаанай хараа шэглэлэ эдэбхитэйгээр хэлсэгдээ.Тиигэжэ, «APU Company» манай уласта өөрын үйлэдбэриин оптын түб нээхэ хүсэлтэйгөө мэдүүлбэ.
«Үйлбэримнай 1924 ондо ба йгуулагдаһаг түүхэтэй. Архиин зүйлнүүдые болоод бусадшье түхэлэй унда үйлэдбэрилэн гаргана. 2014 онһоо һүнэй зүйлнүүдые гаргадаг болонхойбди. Орос гүрэн руу эдээ гаргахадаа, Красноярскда нээгдэһэн таһагаараа дамжуулнабди. Тиимэһээ Буряад уласые тойрохо баатай болонобди»,- гээд зарлалайнь маркетингын талаар орлогшо Арюна Дандарова тэмдэглэхэ юм.
Айлшалха үедөө Монголой олзо эрхилэгшэд Буряад уласай яаман зургануудай хүтэлбэрилэгшэдтэй хэдэн уулзалга үнгэргөө. Харилсаха арга боломжонууд зүбшэгдэһэн байна.
