Буряад Уласай Толгойлогшо «РБК Дальний Восток» хэблэлдэ һая интервью үгэхэдөө, Монголдо ГЭСэй баригдаа һаа Байгалда ямар һүйд ушархаб гэжэ багсаамжалан хөөрөө. Тэрэнэй хэлэһээр, Байгалайш уһан дууһашаха гэжэ байлайш айгданагүй. Сэлэнгэ дээрэ хаалтын табигдахада, мүрэн агшаха, хожом уһа хадагалха гэжэ зохëогдоһон газар нүхэнэй халин дүүрэхэдэ, уһаншье Байгалдаа дахяад шудхана аабза, нюруунь хүсэхэ. Айха юумэниинь тэрэ бэшэ. Ушарынь юуб гэбэл, Байгал гандаха үедэ байдал эрид хубилжа магад гэжэ айгдана», - гээд улас түрын толгойлогшо тоолоно.
Сэлэнгын гандахада омоли загаһанай түриһэеэ хаядаг газарнууд хаташаха. Хоëрдохëор, бага болоходоо уһан үлүү дулаасаха. Тэрээнһээ хэрэггүй ургамалнууд ургажа захалха. Байгалай өөрын онсо ургамал, амитад тэрээнһээ хосоржо магад. Уһаншье хайшаа үгы болохо һэм, бусана ааб даа, харин Байгалнай Байгал бэшэ боложо магад. Сэлэнгэ дээрэ ГЭС барилгада дэлхэйн олониитын анхарал хандуулха шухала, - гэжэ Цыденов хэлэжэ байна һэн.
Энээн тухай Монголой талатай үгэ андалдаан үргэлжэлһөөр. Монголдо зайн гал саг үргэлжэ эдлэжэ байха тиимэ томо хэрэглэгшэд үгы шахуу. Тиимэһээ шэнэ ГЭСэй бэеэ даадаг болотор нилээд ехэ саг хэрэгтэй. Энэ мэтые ойлгуулха шухала гээд, Цыденов бодомжоороо хубаалдана.
