Улаан-Үдэдэ Агуу Илалтада зорюулагдаһан хэмжээ ябуулганууд эхилэнхэй. Эгээл тиимэ үйлэ – «Баатарые мэдэжэ яба» гэһэн флешмоб эмхигдэбэ. Бүхы Үндэһэтэнэй Фронтын болон Железнодорожнын районай захиргаанай үүсхэлээр, мүн Арадай Хуралай депута Батор Цыбиковаай дэмжэлгээр эмхидхэгдэһэн тэрэ ябуулга хотын 42-дохи һургуулида үнгэрөө, гээд Восток-Телеинформ Буряад Уласай хэблэлэй албанай мэдээсэл дууряажа дуулгана.
Акциин үедэ 300-аад шаби һургуулиингаа хорээ соо табан һалаатай мүшэнэй дүрсэ зохëожо жагсаба. «Бидэ дайн бэшэ бү болоһай гэжэ һананабди» гэһэн дуу гүйсэдхэһэн хоорой хүгжэм доро унаһан сэрэгшэдэй дурасхаалда сагаан шаарнууд дэгдээгдээ.Тэрэл акциин оршондо Железнодорожно райондо ажаһуугша Эсэгэ ороноо хамгаалгын Агууехэ дайнда хабаадаһан зоной 17 квартирада дурасхаалай самбарханууд үлгэгдэхэ, улаан мүшэнүүд тодхоогдохо юм.
Железнодорожно райондо хамта дээрээ дайнай 79 ветеран, ара талын ажалда шармайһан 1150 хүн, тэрэ тоодо фашизмын баряанда байһан 2 хүн, Ленинградай бүһэлгөө дабажа гараһан 4 хүн ажаһууна. Жэл бүри агууехэ һайндэрэй урдахи үдэртэ Батор Цыбиков ветеран бүхэниие амаршалдаг, бэлэг сэлэгүүдые барюулдаг заншалтай.
Ветерануудые дайшалхы саг хаһа тухай хөөрөөень шагнажа байхадаа, дүлэтэ дайе амиды бэеэрээ үзэһэн хүнтэй хөөрэлдэжэ энэ байнаб гэжэ гэнтэ мэдэрхэш, - гэжэ депутат тэмдэглэбэ.
