Федеральнаболон нютагможынзасагайзургаануудайболон тоо системын бизнесэй 150 түлөөлэгшэд Буряад Уласта нютаг можын тоон системэ зүбшэн хэлсэбэ. Буряад Уласай Толгойлогшо Алексей Цыденовэй хэлэһэнэй ёһоор, Буряад Уласта 2017 онһоо ХОУ-гай Юрэнхылэгшэ Владимир Путинай даабаряар “Тоо системын эдэй засаг” гэһэн федеральна түсэлэй ашаар тоо системэ олон шэглэлдэ нэбтэрүүлэгдээ. Тэрэ тоодо элүүрые хамгаалгын һалбарида ковидой хизаарлалтануудшье һаад болоогүй.
– Элүүрые хамгаалгын һалбарида ковидой байха сагта хэмэл оюун ухаанай технологи хэрэглэжэ эхилһэн байнабди, тиихэдэ уушханай снимогууд олоор хэгдэжэ байгаа һэн. Мүнөө дээрээ хабдарта үбшэнтэй тэмсэхэ талаар технологи хүгжөөжэ байнабди. Госуслугитай интеграци болоно, бүхы записууд, справкануудые абалга болон бусад сахим түхэлөөр хэгдэдэг болоно. Болбосоролой һалбарида – һуралсалай материалнуудые тоо системэдэ шэлжүүлэлтэ, зайн һургалта баһа болоно. Улаан-Үдэ хотодо олониитын тээбэриин һалбарида болон унаа тээбэриин зөөри бүридхэлдэ абалгада баһал нэбтэрүүлэгдэһэн байха юм, - гэжэ Буряад Уласай Толгойлогшо хэлээ.
Алексей Цыденовэй тэмдэглэһэнэй ёһоор, һаяын сагта унаа тээбэриин һалбариин тоо системэ нарижуулха талаар ехэ ажал хэгдэхээр байна.
- Справкануудые ябажа суглуулха, хэн нэгэн дээрээ ошожо юумэ ойлгуулха ушарнуудые багасхаха хэрэгтэй, - гэжэ Цыденов тэмдэглээ.
