Һүүлэй үедэ майн эхинhээ тахал үбшэндэ нэрбэгдэһэн хүнүүдэй тоо дүрбэ дахин олошороо. Майн 31-нэй байдалаар хабарай һүүлшын үдэр 92 үбшэнтэн элирүүлэгдээ.
Гарагай 1-дэ, майн 30-да коронавирус үбшэнэй һүжэржэ дэлгэрхэгүйн талаар уласай штабай суглаанда Буряад Уласай Толгойлогшо Алексей Цыденов «COVID-19» үбшэнтэй тэмсэхэ талаар хэдэн даабаринуудые үгэһэн байна,- гэжэ Восток-Телеинформ Буряад Уласай Засагай газарай мэдээсэлэй албанhаадуулгана.
Буряад Уласай Элүүрые хамгаалгын яаман үдэр бүри үбшэнтэниие оруулха һууринуудые саг үргэлжэ үдэр бүри шалгана. «COVID-19» үбшэнтэниие аргалха хэрэгтэ hууринуудые уласай стационарнуудта бэлдэнэ, мүнөө сагта 636 орон бэлдэгдэнхэй: 550 орон эзэлэгдэнхэй, 86-ниинь сүлөө байна. Эмнэлгын эмхинүүд call-түбүүдэй болон 112 гэһэн халуун утаһанай ажал эршэдүүлнэ. Июниин 2-һоо июлиин 1 болотор һэргылэмжын хэмжээндэ томошуулай бэеын тамир шалгалта тогтоогдоо.Буряад Уласай үйлэдбэриин яаманда COVID-19 үбшэ аргалха талаар эмүүдээрэмэй сангуудые хангаха гэжэ даалгагдаа.
Уласай дэбисхэр дээрэ тамирай хэмжээ ябуулганууд харагшадгүйгөөр үнгэргэгдэхэ. 50% харагшадтай хэмжээ ябуулгануудые Буряад Уласай спортын болон залуушуулай бодолгын талаар яамантай хэлсэгдэһэнэй удаа эмхидхэгдэжэ болохо.
Майн 31-һээ хүнүүдэй олоор ябадаг газарнуудта: худалдаа-наймаанай түбүүдтэ, халуун хоол баридаг газарнуудта, ниитын унаада хиналта шалгалтаүнгэргэгдэжэ байха. Мобильна бүлгэмүүд үдэшын сагта шалгалта ябуулха.
-Бэеэ гамнагты! Хамар амаа бүтүүлхэ багуудые ниитын унаа соо, олон зоной суглардаг газарнуудта хэрэглэгты, зай сахигты, - гэжэ Засагай газарай түрүүлэгшын орлогшо Пётр Мордовской арад зондо хандаба.
