Хүдөө ажахы эрхилхэ хүсэлтэй зон 3-һаа 20 гектар хүрэтэр газар миинтээр абаха аргатай болохонь. Хэрэглэмжэгүй үлэһэн газарнуудые элдүүрилхэ хараа шэглэлтэй хуулиин түсэл Арадай Хуралай ээлжээтэй сесси дээрэ харагдажа абтаба. Тус данса эсэсэй хоëрдохи уншалгаар баталгадаба бшуу.
Арадай Хуралай хүдөө ажахын хорооной түрүүлэгшэ Александр Попов энэ түсэл зууршалха үедөө мал адуу үсхэбэрилгэ хаа хаанагүй һэргэжэ захалаа гэбэ. Харин буусаяа түхеэрхэдэ хэрэгтэй данса саарһа бүридхэхэ гээшэ хэсүү болоод байна. Тусхай заһабарилганууд эрхэтэдэй арендада газар абажа, хожом өөрынгөө мэдэлэй болгожо байха арга хараална. Гэбэшье, зарим тэды эрилтэнүүд бии, шухалань гэхэдэ, газартай болохо һанаатай хүн заабол хүдөөгэй ажахы эрхилхэ жэшээтэй.
Данса зохëогшодой найдамжаар, тус хуулиин абтахада Буряад орондо хэрэглэмжэгүй газарнууд бага болохо.
