Арадай Хуралай ээлжээтэ наймадахи хуралдаан арба нэгэ һарын 5-да үнгэрхэ. Улас ороноймной зүблэлэй сайт дээрэ харахада, 16 асуудал тэндэ хэлсэгдэхээр табяатай. Тэдэнэй тоодо хоёрдохи уншалгаар абтахаар түсэблэгдэһэн «Буряад республикын Арадай Хуралай депутадуудай мүрдэлгэ тухай» хуулиин проект харагдаха.
Тэрэшэлэн, бусадшье хуули ёһонуудта нэмэлтэ хубилалтанууд оруулагдаха. Жэшээнь, онсо хэсүү ушарһаа хохидоһон эмхи зургаануудта түлбэригүй зүбшөөл үгэхэ ёһо гурим нарижуулагдаха. Гадна, «Буряад республикада хүн зониие зөөдэг авто ба хотын элшэ хүсэнэй транспорт тухай» хуулиин зарим баримтанууд хүсэнһөө буураба гэжэ тоологдохо байна.
Урдахи сесси дээрэ 50 асуудал харагдаа һэн гээд һануулалтай. Тиихэдэ бүгэдын гэр байрын каритальна заһабарилга тухай асуудал ехэ хүлгөөтэйгээр зүбшэгдөө бэлэй. Мүн депутат Иннокентий Егоров, хүнэй эрхэнүүдые хамгаалагша Иван Калашников гэгшэд тушаалаа орхёо. Гэхэ зуура, Арадай Хурал бизнес-омбудсменэй тушаалда Анатолий Дашиевые дэмжээгүй һэн.
Политика и власть 29 октября 2014 г., 10:22
Заметили опечатку? Выделите ошибку и нажмите Ctrl+Enter.
Поделиться
Поделиться
Отправить
Поделиться
Поделиться
Твитнуть
Отправить
Поделиться
