Буряад Уласай толгойлогшо Алексей Цыденов Буряадай Большереченскынзагаһа үсхэбэрилдэг газар һэльбэн шэнэдхэхэ, сэбэрлэлгын түхеэрэлгэнүүдые бариха болон шэнэлхэ, Байгал далай дээрэ аяншалгын инфраструктура хүгжөөхэ тухай хэлсэбэ. Засагай газарай Түрүүлэгшын орлогшо Дмитрий Патрушевай хүтэлбэри доро Байгал нуурые хамгаалха талаар засагай газарай комиссиин зүблөөн дээрэ хөөрэлдөөн болобо.
Байгал шадарай дэбисхэрнүүдэй ажаһуугшадай ажабайдалай шанар дээшэлүүлхын тула таарамжатай саг соо бодото дүнгүүдые туйлахын тула олониитыншье, олзын хэрэг эрхилэлгыншье хабаадалга хэрэгтэй гэжэ толгойлогшо хэлэбэ.
“Байгал нуурые сахиха хэрэг манай урда табигдаһан түрүү шэглэлэй асуудалнуудай нэгэн болоно. Энэмнай ганса экологиин асуудал бэшэ, мүн манай ерээдүйн асуудал болоно. Гансал хамтадаа Байгал нуурай аюулгүй, һалбаржа байхые хангаха аргатайбди», - гэжэ уласай хүтэлбэрилэгшэ Алексей Цыденов хэлэбэ. - Байгал – онсо экосистемэ, ургамал болон амитадай хоморой зүйлнүүдээр баян, энэ байгаалиин баялигые ерээдүйн үеынхидтэ үлөөхэ уялгатайбди. Буряадай засагай газар Байгал нуур хамгаалха талаар бүхы арга шадалаа гаргана.
