Буряад Уласта 2 мянга гаран ашаг олзын ябуулагшад Алексей Цыденовтай бизнес-уулзалгада хабаадаба. Уулзалгын захиран эмхидхэгшээр Буряад Уласай үйлэдбэри эхилэгшэдэй эрхэ хамгаалха этигэл эрхэтэй түлөөлэгшэ Чингис Матхеев хүдэлбэ.
- Ашаг олзо ябуулагшадтай сэхэ харилсаан ямаршье гуримаар шухала, хэзээдэшье бэе бэеэ шагнаха хэрэгтэй. Асуудалнууд хэзээдэшье байха, нэгэ асуудалай шиидхэгдэхэдэ, ондоо асуудал гаражал байдаг. Тиимэhээ иимэ уулзалганууд Засагай Газарта ехэ хэрэгтэй байба, бидэ оролдолго гаргаха шэнэ хэмүүдые мэдэжэ абаабди. Энэ нэмэри hуралсалда, хубиин хүүгэдэй сэсэрлигүүдтэ, ба хүдөө ажахын үйлэдбэрилэгшэдтэ, бага ашаг олзын ябуулгада хабаатай. Журам тогтоолго гуримшуулгын, бага ба дунда бизнес дэмжэлгын хэмжээ ябуулгануудта, үшөө олон юумэндэ хабаатай асуудалнууд гараба, - гэжэ Алексей Цыденов тэмдэглэнэ.
Бизнес- нэгэдэлнүүдhээ ороhон асуудалнууд дээрэ ажал үргэлжэлүүлэгдэхэ. Социальна сетьнүүд сооhоо ороhон асуудалнуудта харюу үгтэхэ.
ДФО-до Аласай бодолгын үүсхэлэй агентствын түлөөлэлгын газарай хүтэлбэрилэгшэ Ольга Куриловагай тэмдэглэhээр, Буряад Улас аймаг бүхэниие хабаадуулан ашаг олзын ябуулагшадтай уулзалга үнгэргэhэн түрүүшын нютаг можонуудай нэгэн болобо.
