Февралиин 18-да Арадай Хуралай hунгамалнууд ээлжээтэ 16-дахи суглаан дээрэ хэлсэхэ зүйл зүбшэн баталба. Һунгамалнууд 28 асуудалнуудые, тэдэнэй тоодо 18 хуулиин түсэлнүүдые, 10 тогтоолнуудые хаража үзэхэ, - гэжэ Восток-Телеинформ бэшэнэ.
Сесси дээрэ hунгамалнууд ниигэмэй хангамжын, ажамидаралай доодо хэмжээнэй, газарай асуудалай, Буряад Уласай Үндэһэн хуулида хубилалтануудые оруулха талаар хуулиин түсэлнүүдээр асуудалнуудые зүбшэн хэлсэхэ. Тиигэжэ Дээдэ Хуралай гэшүүд Гүрэнэй Дүүмын түрүүлэгшэ Вячеслав Володиндо дамжуулха амитадта хандалга тухай хуулиин асуудал хаража үзэхэ.
Һунгамалнууд үшөө үншэн үхибүүдтэ хабаатай асуудалнуудые, бүхэроссин хүн зоной тоо бүридхэн бэшэлгэдэ бэлэдхэл, эдилгэ абалгада эсэргүүсэл тухай хуулиин хубилалтануудые зүбшэн хэлсэхэ.
«Засагай газарай сагай» хэмжээндэ Буряад Уласай экономикын яаман тоосоо бариха. 2019-2020 онуудта бэелүүлэгдэһэн инвестиционно бодолгын дүнгүүд тухай яаманай сайд мэдээсэхэ юм. Һунгамалнуудай урда Дотоодын хэрэгүүдэй яаманай сайд Олег Кудинов улас дотор хэгдэhэн ажал тухай жэлэй тоосоо бариха.
