Буряад Уласай Арадай Хуралай парламентын һунгамалнууд Арадай Хуралай түрүүлэгшэ Владимир Павловтай Монгол орон ошожо ерэбэ. Энэ делегациин тоодо Валерий Доржиев, Анатолий Кушнарёв, Виктор Малышенко, Сергей Пашинский, Галан Гунзынов, Александр Бардунаев, Буда-Ширап Батуев, Валерий Цыремпилов ба счётно палатын түрүүлэгшэ Евгений Пегасов ороо.
Монголой ниислэл хото Улаан-Баатарта Монгол орондо Ородой Уласай посол Искандер Азизовтай, Монголой Ехэ Хуралай түрүүлэгшэ Г.Занданшатартай уулзалга үнгэрөө. Монголой Парламентын Толгойлогшо халуунаар айлшадые угтаа. Халхин-Гол дээрэ Илалтын ойн баярта зорюулhан баяр ёhололой хэмжээ ябуулагануудта Россин президент Владимир Владимирович Путиниие хүлеэhэнээ дуулгаба. Монгол орон ба Буряад Уласай хоорондохи хүдөө ажахын ба ашаг олзо ябуулгын талаар ажалаа суг ябуулха холын хараата түсэбүүд тухай хэлсэбэ. Буряад орондо гал түлэхэ пеллетнүүдые үйлэдбэрилгын проект бэелүүлгэ, тэрэниие Монгол руу ябуулга, гүрэн хоорондохи аяншалгын асуудалнуудые хараба. Эрлянь Сухэ-Баатар хотонуудай дунда шэнэ эрилтэдэ таарама харгы баригдажа байна. «Улаан-Yдэ – Хяагта» гэhэн харгытай хамта энэ магистраль Монгол Буряад орон хоёрые холбожо, саашадаа харилсаанай хүгжэлтэдэ ехэ үүргэ дүүргэхэ гэжэ тэмдэглэгдээ.
Монголой Ехэ Хуралай түрүүлэгшэ Зандашатар үертэ ороһон Эрхүү можын байдалаар һанаагаа зобоһоноо мэдүүлжэ, Монгол улас түмэр харгыгаар туһаламжа эльгээгээ гэжэ тэмдэглээ. Өөрөө Зандашатар Эрхүүгэй Байгалай гүрэнэй университет дүүргэһэн гэжэ тэмдэглэе.
Ородой Холбоото Улас болон Монгол гүрэнэй хоорондо эд бараагай эрьесэ дээшэлүүлхэ тухай хэлсэбэ. Монгол гүрэндэ парламент хоорондын «Монгол – Буряад» гэһэн суглаан 2001 ондо үнгэргэгдэһэн байна. Энэ суглаанда 21 һунгамалнууд, Засагай газарай түлөөлэгшэд 2014 онһоо оронхой гээшэ. Тиимэһээ энэ асуудалаар хоёр гүрэн хэдэн жэлдэ нягта харилсана.
