Арадай Хуралай ээлжээтэ 6-дахи сесси дээрэ харууһагүй нохойнуудые барижа хаалга тухай хэлсэхэ. Энэ асуудал ниигэмэй - эдэй засагай хүгжэлтын Комиссиин зүблѳѳн дээрэ бодхоогдоһон байна, - гэжэ парламентын мэдээсэлэй албанһаа Восток- Телеинформ мэдээсэбэ.
Энэ асуудал арсалдаатай, тоосоотой байба. Февраль һараһаа ООО «ЦАСС» гэжэ хүлһэлэгшэ 8 миллион түхэригэй хэлсээнэй бэшэгээр зольбо нохойнуудые барина. Энэ мүнгэнэй хэлсээнэй ёһоор 7485 амита бариха түсэбтэй.
Энэ ООО «ЦАС» бүлгэмэй түлѳѳлэгшэ Владимир Галсанов : «Бидэ энэ һалбарида 4 жэлэй дүй дүршэлтэйбди. Харууһагүй нохойнуудые саг болзор соо байлгаха хоер байратайбди. Энэ Улаан-Үдэ хотодо ба Ивалгын аймагта. Үшѳѳ тииихэдэ, дүрбэн ашаанай унаа бии. Нохой бариха захяа-мэдүүлгэ 371-000 гэһэн утаһаар абанабди. Нохойннудые бариха байра Природная үйлсэдэ, 40-дэхи гэртэ оршоно.
Энэ хэлсээ баталган февралиин 26-да үнгэрһэн байна. Мүнѳѳ сагта 2400 амитад баригдаашье һаань, хотын арад зон мэдүүлгэ үгэһэн зандаа, захяа саг соогоо дүүргэнэгүй гэжэ гомдолго ороно. Тиимэһээ энэ асуудал Хуралай сессии дээрэ хэлсэгдэхэ болобо.
