Буряад Уласай нютаг можын хүгжэлтын талаар жаса Арадай Хуралай hунгамалнуудай урда ажал тухайгаа мэдээсэл бариба. Эдэй засагай политикын, байгаалиин нөөсэ баялиг хэрэглэмжын болон оршон тойронхи ариг сэбэрые сахилгын талаар Хорооной ээлжээтэ зүблѳѳн дээрэ апрелиин 12-то энэ фондын 2017-2018 оной болзор соо хэгдэһэн ажаябуулга тухай тоосоо табигдаба.
Гол ударидагша Борис Дымбрылов нёдондо фонд амжалтатайгаар табигдаһан түсэбѳѳ дүүргээ гэжэ тэмдэглэбэ. Оруулһан инвестици жэл бүри тогтоһон журамаар 2-дахин дээшэлнэ, - гэжэ Восток-Телеинформ Буряад Уласай нютаг можын хүгжэлтын талаар жасын мэдээсэлэй албанһаа дуулгана.
«Табигдаһан түсэб дүүргэлгэ ханамжатайгаар шэлэлгэһээ, анхаралтайгаар инвесторые бэдэрэлгэһээ дулдыдана. Энэ жасын хасаралдал доро 30-аад проектнүүд хамта дээрээ 44 миллиард түхэригэй инвестици ороно», - гэжэ Борис Дымбрылов тоосоон дээрээ тэмдэглэбэ.
Энэ жаса элдэб проекнуудта гүрэнэй, экологическа экспертиза гарахадань туһа хүргэнэ. Буряад Уласай ДФО-гой бүридэлдэ ороходонь «Корпорация развития Дальнего Востока» гэжэ АО-да захяа-бэшэг зохёоходонь туһалхаһаа эхилээд, шэнэ ондоо шэглэлнүүдые бэдэрнэ, һонирхолтой мүнгэн зѳѳриин хэбүүдые бэлдэнэ.
