«Буряад Уласай Арадай Хуралда зольбо, эзэгүй амитадые бариха гурим тухай асуудал Холбоото Уласай хуулида тааруулба», -гэжэ Восток-Телеинформ бэшэнэ. («Об ответственном обращении с животными и о внесении изменений в отдельные законодательные акты Российской Федерации»). Харин Буряад Уласта гэрэй амитадта хандалга тухай, зольбо амитадые барилга, тэдэниие саашань харууhалга тухай, МСУ - гай эмхинүүдэй зольбо амитадые бариха эрхэ тухай хуули шэнэлэн заhагдаба.
Нютагай засагай зургаануудта зольбо амитадые бариха, шэрэхэ, тэжээлгын газарта абаашаха, тэндэ байлгаха, төөриhэн амитадые эзэндэнь бусааха, шэнэ эзэдые оложо үгэхэ, хүн зондо добтолхогүй амитадые аргалаад, сэбэрлээд, эм дом таряад, тэмдэг табяад, байhан газартань бусааха эрхэ олгогдоно.
Зарлалай Хурал дээрэ сессиин дүнгөөр газар эдэлэгын талаар Хорооной түрүүлэгшэ Пётр Носков: «2020 оной январиин нэгэнhээ 45 миллион түхэригэй тэдхэмжэ хэрэгтэй болохо. Мүнөө дээрээ гаргаша 27 миллион.түхэриг болоно, тиимэhээ үшөө 18 миллион түхэриг олохо хэрэгтэй», - гэжэ тодорхойлбо.
Энэ «Буряад Уласай газар дээрэ амитадые харууhалга, хамгаалга тухай хуулиин» шэнэлэн заhалга арад зоной, ургажа ябаhан үхибүүдэй амитадта hайнаар хандалга хүмүүжүүлхэ болоно.
