Буряад Уласай Арадай Хуралай ээлжээтэ сесси дээрэ коммунальна туhаламжын түлбэри гаргаша хүсэлдүүлгын хэмжээ нютагай засагай захиргаануудта тусгаар түлөөлэлгөөр хангалта тухай хуулида заhабари нэмэлтэ зүбшэн хэлсэхэ. Энэ дансатай сесси дээрэ Буряад уласай Эрдэм ухаанай яаманай сайд Баир Жалсанов танилсуулха гэжэ Восток-Телеинформ мэдээсэнэ.
Эндэ Буряад Уласай хүдөө нютагуудта ажаhуудаг, болбосоролой ажал ябуулдаг, уласай гу, али нютаг засагай бюджетhээ мүнгэ hомологдодог эмхинүүдтэ хүдэлдэг багшанарта хангалта тухай хэлэгдэнэ. Энэ харилсаанда нютагай засагай эмхинүүдэй тусхай гүрэнэй түлөөлгэ хуулиин түсэлөөр элирүүлхэ гэжэ дурадхагдана.
2018 ондо Буряад Уласай Засагай газарай зарлигаар Нютагай засагай болбосоролой эмхинүүдэй багшанарай салин дээшэлүүлхын ажал ябуулха бүлгэм байгуулагдаhан гэжэ hануулая. Энэ бүлгэмэй нэгэ шиидхэбэри хадаа, багшанарта коммунальна туhаламжын тэдхэбэри түлэлгэ Буряад Уласай Ниигэмэй хангамжын яаман гүрэнэй мүнгэнэй тэдхэмжын талаар зонхилогшоор тодорхойлхо гэжэ дурадхагдаа. Түрүүн иимэ түлбэри Буряад уласай Эрдэм ухаанай яаман дүүргэдэг байгаа, тиимэhээ энэ тэдхэмжэ багшанарай салинда тоологдодог бэлэй.
