Буряад Уласай Арадай Хуралай октябриин 3-да үнгэргэгдэхэ хуралдаанда дүн хамта 43 асуудал харагдахаар баталагдаба.Тэрэ тоодо «Буряад Уласта мүнгэн һангай эрьесэ тухай», «Ородой Холбооной хууляар орон можын мэдэлдэ үгтэһэн налог таталгые гуримшуулгын зарим асуудалнууд тухай» болон бусад хуулинуудта хубилалтанууд оруулагдаха, гээд уласай парламентын хэблэлэй албан мэдээсэнэ.
Засагай Газарай тоосооной саг түсэблэгдөөгүй. Юрэнхыдөө, хуралдаанай түсэб хүтэлбэр Арадай Хуралай зүблэлэй суглаан дээрэ, сентябриин 21-дэ баталагдаха байха. Хороонууд дотор ээлжээтэ 25-дахи хуралдаанай асуудалнууд хэлсэгдэһээр. Энэ долоондо дүрбэн хорооной суглаанууд үнгэрхэ.
Тиигэжэ, олоной байдал хангалгын түрын хорооной һунгамалнууд Улаан-Үдын хүүгэд-эдиршүүлые уран һайханда дадхаан хүмүүжүүлгын уласай түбэй дэргэдэ «Буряад Уласта нэмэлтэ һуралсалай талаар һуралсал тухай» хуулиин хэр бэелүүлэгдэжэ байһан тухай асуудалаар суглаа зарлаха.
Восток-Телеинформай анхан дуулгаһаар, Буряад уласай Мүнгэнэй яаманай дурадхаһан улас түрын 2017 оной мүнгэн һан тухай хуулида хубилалтануудые оруулха талаар түсэл Арадай Хуралай мүнгэ, налогой хорооной депутадуудай хэдэн асуудал татаһан байгаа. Арсалдаа татаһан тэдэ асуудалнуудай нэгэн гэбэл, «Гэсэр» гэһэн зохид буудалые 160 сая түхэригөөр худалдаха гээшэ. Һунгамалнуудай һанамжаар, энэ ехэ эмхиие эды хямда сэнгээр худалдаха гээшэ хайшаа юм?
