Хаамал түхэлэй «Улан-Удэстальмост» бүлгэмэй хүтэлбэрилэгшэ Анатолий Суслов Буряад Уласай Арадай Хуралай депутадуудта гүрэн түрын хэмжээндэ хүүргэ барилгые хинажа байха тусхай эмхи зургаа байгуулха шухала гэжэ дурадхал оруулба. «Зүблэлтэ Холбооной үедэ Тээбэри, барилгын яаман хүдэлдэг байгаа, - гээд тэрэ хөөрэхэ зуураа – харин мүнөө бидэ өөрын «эсэгэ» үгы үлэшэнхэйбди. Бүхы һалбаримнай һандаржа захалаа. Иимэ эрхэ байдалда энэ талаар харюусажа байха зургаан гүрэнэй хэмжээндэ байгуулагдабал, ехэ һайн һэн. Барилгын яаманай дэргэдэ юрын агентствынш бии болгогдоо һаань хүрэхэ байгаа».
Эдэй түрын, байгаали ашаглалгын болон оршон тойронхиие хамгаалгын хорооной түрүүлэгшэ Анатолий Кушнарев тус дурадхалые депутадууд зүбшэхөөр бэлэн, хэрэгтэй гэжэ бодоо һаа, гүрэнэй зэргэдэ асуудал табихада болохо, гээд тэмдэглэбэ. Хүүргэ хабсаргалтын үйлэдэритэй бусад орон можонуудтай энэ эдэбхиие дэмжээ һаань бүришье таатай байха һэн. Тэрэшэлэн, гүрэнэй зүгһөө үшөө ямар туһаламжа хэрэгтэйб гээд һонирхобо. Тэдэнь балай олоншье бэшэ гэжэ тодорбо. Үйлэдбэриин болон худалдаа наймаанай сайдай нэгэдэхи орлогшо Алексей Унгаевай үгөөр, гүрэн түрын хараа бодол гэхэ болоо һаа – мүнгэеэ абаралгада бэшэ, харин хүгжэлтэдэ гэжэ зорюулха шухала.
- Энэ асуудал Арадай Хуралай удаадахи, 9-р һарын 21-дэ үнгэрхэ хуралдаан дээрэ табигдаха, - гээд Анатолий Кушнарев дүн согсолбо. – Эгээл тэндэ Засаг Газарай урда депутадуудай мэдэлэй тодо эрилтэнүүд табигдаха.
