Баргажанай аймагта «Улаан-Үдэ – Турунтаево - Хурамхаан – Шэнэ Уоян» замай 11 км. харгы нээлгын баяр ёһолол үнгэрөө. Арадай Хуралай хэблэлэй албанай мэдээсэһээр, харгы заһабарилгада дүн хамта 971 млн. түхэриг дамжуулагдаһан байгаа.
Ёһололдо Арадай Хуралай түрүүлэгшэ Матвей Гершевич, Тэбэриин,элшэ хүсэнэй болон харгы ажахын яаманай дарга Сергей Козлов, ажалда татагдаһан «Труд» фирмын гендиректор Сергей Томшин, гүрэнэй һангай «Бурятрегионавтодор» зургаанай хүтэлбэрилэгшэ Виктор Замкин, Баргажанай ба Хурамхаанай аймагуудай гулваанар Иван Мельников ба Владисав Суслов гэгшэд хабаадалсаба.
- Улан-Үдэһөө Баргажан хүрэтэр харгы анхан сагта 12-15 саг эзэлэгшэ һэн, - гээд Гершевич хөөрэнэ. - Мүнөө юумэн хубилаа байна даа, нютагаархидни Улаан-Үдэ ошоод нэгэ үдэр соо бусахаар болоо гэлсэдэг.
Харгы һэльбэн шэнэлэлгэ ганса Баргажанаархидайш бэшэ, зүгөөр бүхы республикын ажабайдалда ехэ нүлөө үзүүлхэ удхатай. «Баргажанай аймагай байра байдал хүдөө ажахыһаа сэхэ дулдыдаг гээд мэдээжэ. Харин тэрэниие хүгжөөхэ, илангаяа, эдеэ хоолой зүйлнүүдые худалдаха хэрэгтэ муу харгынууд ехэ харша һүйд асарагша бэлэй, - гээд Матвей Гершевич тэмдэглээ. – Мүнөөдэр, харгын заһагдахада, энэ бэрхэшээлнүүд ирагдаа.
«Восток-Телеинформ» агентствын дуулгаһаар, «Улаан-Үдэ – Турунтаево – Хурамхаан – Шэнэ Уоян» харгын 39 км. зай холбохын барилгын ажалнууд амин шухала удхатай. Юун бэ гэбэл, 215-дахи км-һээ Баргажан голой хүүргэ хүрэтэр харгы таһархай. «Энээхэн зай хүнүүдые һайса сухалдуулдаг. Бидэшье тэндэ оньһон техникэеэ бариха баатайбди. Үргэлжэ грейдер ябуулха хэрэгтэй бшуу», - гээд гулвааниинь үгэ алдаха юм.
Новости на бурятском языке 29 октября 2014 г., 10:32
Заметили опечатку? Выделите ошибку и нажмите Ctrl+Enter.
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
