Тиигэжэ Забайкалиин хизаарай Хуули зохёолгын Суглаанай Домографическэ политикын, ажабайдалай шанарай болон ажалай харилсаануудай талаар хорооной түрүүлэгшын орлогшо Алексей Саклаков мүнөө сагай эгээл хүндүүлхэй асуудал болохо – эмшэдэй эмхинүүдэй хэрэглэмжын ба эмүүдэй түлөө горитойхон үри шэри тухай хөөрэжэ үгөө.
Энээндэнь, Буряадай Элүүрые хамгаалгын яаманай даргын орлогшо Светлана Замбалова саг соогоо абтаһан хэмжээнүүдэй ашаар энэ бэрхэшээлые шиидхэжэ шадаһан тухайгаа хөөрөө. Нёдондо республикын элүүрые хамгаалгын һалбарида дээрэһээ доошо сэхэ хүтэлбэриин гурим: эмшэлгын бүхы эмхинүүд яаманай сэхэ мэдэлдэ оруулагдаа һэн. Врач мэргэжэлтэнэй дунда зэргын салин 39 мянган түхэриг бүридүүлнэ. Энэ сагта бүхы больницануудые бэеэ дааһан зургаанай нэрэ зиндаада оруулха ябуулга хэгдэжэ байнхай. Ажаһуугшадые эмшэлгын талаар гүрэнэй лаб хангалтын программа мүнгэ алтаар дүүрэн хэмжээндэ хангагданхай. Тиихэдэнь Забайкалиин хизаарта энэ талаар байдал 20 процентоор дуталдана.
Һунгамалнууд архи ба наркотигтай холбоотой бэрхэшээлнүүдые зүбшэн хэлсээ. Хуурамаг архи худалдаһанай түлөө хэһээлтын хэмжээ улам шангадхаха тухай Гүрэнэй Дүүмэдэ оруулһан үүсхэлыемнай дэмжытэ гэжэ Арадай Хуралай депутадууд хүршэ можын һунгамалнуудта хандаба.
- Хаяа хадхажа һуудаг бидэ сасуулмаар байдалтайбди. Арадай Хуралда зургаан врач хүдэлнэ, Забайкалиин хизаарай парламентдэ – табан хүн врач, - гээд Социальна политикын талаар хорооной түрүүлэгшэ Александр Стопичев тайлбарилаа, - Бидэндэ манай хүршэнэр яажа ажалаа зохёонхойб гэжэ ехэ һонин байба. Бидэ нэгэ тээһээ мүнгэеэ гаргашалжа тараадаг болонхойбди, зүгөөр хүршэнэрнай һаял тиимэ гурим нэбтэрүүлбэ. Тэдэнэй бэрхэшээлнүүд манайхидаа орходоо бүри ехэ байна. Хүршэ нүхэднай бидэнһээ дуулахаяа һанаһанаа дуулаа аабза гээд найданаб. Иимэрхүү,телемостын аргаар тогтоогдоһон харилсаан яһала урагшатайшье, гарзагүйшье байна. Энэмнай һүүлшын уулзалга бэшэл байха.
Заметили опечатку? Выделите ошибку и нажмите Ctrl+Enter.