Арадай Хуралай түрүүлэгшын орлогшо Владимир Павлов Улаан-Үдын Түбэй дэлгүүр шалгаха зорилготогоор тиишээ эрьебэ. Депутадые дэлгээгдэһэн эд эдеэнэй янза ба сэнгүүдынь нэн түрүүн һонирхуулаа. Парламентын хэблэлэй албанай мэдээсэһээр, наймаагай газараар ябахадань тэрэниие Буркопсоюзай хүтэлбэрилэгшэ, Арадай Хуралай депутат Леонид Бляхер нүхэсэн дахалсаһан байна.
Һунгамалнуудай тэмдэглэһээр, дэлгүүр дээрэхи байдал тогтонижоронхой. Зондо хэрэгтэй хоол (мяхан, һүн, овощ г.м.) наймаанда хуу бии. Үлүү сэнгээ бодхоохо ушарнууд үзэгдэнэгүй. Худалдагдажа байһан эдеэ хоолой ехэнхинь республика дотороо фермернүүдэй ургуулһан, үгышье һаа Россиин бусад регионуудһаа гарбалтай. Хари гүрэнүүдһээ оруулһан эдеэн үгы шахуу.
Фермернүүдтэ үдэр бүри худалдаа наймаанай 10 һуури үгтэдэг гэжэ Леонид Бляхер бата найдуулба. Гэбэшье, тэдэ һууринуудые эзэлхэ һанаатайшуул хомор. Хүдөөгэй үйлэдбэрилэгшэдтэ наймаа эрхилхэнь хэсүү. Олонхинь үнөөхёол дам худалдаашадта мяхаяа тушаахые забададаг, үгы гэбэл, хоол баридаг газарнуудар тараахые оролдоно. Тиигэбэшье, фермер, таряашадай һонирхол Түбэй дэлгүүр татадаг зангаараа татаһаар.
Владимир Павловай хэлэһээр, хүдөөгэй эдеэ хоол үйлэдбэрилэгшэдэй ба наймаашадай хоорондо сэн тогтоолгын тэнсүүри олдонхойл хаш.
- Дэлгүүр дээрэ яһала һайн харилсаан тогтонхой. Үйлэдбэрилэгшэд ба наймаашад удаан сагай хэлсээнэй ёһоор хүдэлнэ, - гэжэ Арадай Хуралай түрүүлэгшын орлогшо тэмдэглээ.
Буряадай таряашад ба мал баряашад хэһээлтын хэмжээнүүдэй хэды соносхогдоошье һаань республикынгээ улад зониие мяхан, һүн, овощ гэхэ мэтэ эдеэ хоолоор дууһан хангаха арга шадалтай гээд дүн согсолхо дээрээ Владимир Павлов онсолһон байна.
Новости на бурятском языке 29 октября 2014 г., 10:26
Заметили опечатку? Выделите ошибку и нажмите Ctrl+Enter.
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
