“Заншалта буддизм болон оршон сагай байдал” гэһэн II дугаар Уласхоорондын буддын шажанай хуралда 10 гүрэнэй: Энэдхэг, Хитад, Вьетнам, Шри-Ланк, Лаос, Мьянма, Монгол, Камбодж, Непал, Бангладеш болон Пакистан уласуудай түлөөлэгшэд оролсохо болоһоноо мэдүүлээ. Энэ арга хэмжээн Улаан-Үдэдэ августын 12-14-нэй үдэрнүүдтэ үнгэрхэ (0+).
- Буряад Улас болбол ээлжээтэ удаагаа Ази руу үүдэн гэһэн улас байһанаа гэршэлнэ. Бидэ азиин хуули зүйн хурал, Халха голой байлдаанай 85 жэлэй ойн эрдэмэй хуралдаа абаһан байнабди. Энэ болохоёо байһан Буддын хурал – ехэ шухала үйлэ хэрэг, Орос Уласай буддын шажантаниие нэгэдүүлнэ, уласхоорондын харилсаа холбоо бэхижүүлхэ болоно.Энэ ехэ гайхамшаг талмай, эндэ улас түрэшэд, эрдэмтэд болон шажан мүргэлэй хүнүүд хамта буддизмын асуудалнуудые зүбшэн хэлэсэнэ, - гэжэ Буряад Уласай Толгойлогшо Алексей Цыденов хэлэнэ.
Тэрэ тоодо, хуралай ажалда гадаада элшэн сайднар, буддын шажанай ехэ һургуулиин ректорнууд, ниитын болон эрдэмэй эмхнүүдэй түлөөлэгшэд, лама санаартан оросоно. Энэ хурал элдэб гүрэнүүдэй буддын эмхинүүдэй хоорондохи эрдэм ухаанай, болбосоролой болон соёлой хүгжэлтэдэ нэмэри мүн.
