Буряад Уласай элүүрые хамгаалгын сайд – засагай газарай түрүүлэгшын орлогшо Евгения Лудупова Орос гүрэнэй юрэнхылэгшэ Владимир Путинай Оросой холбоото уласай Федеральна Суглаанда хандалгада тайлбари хээ. Тэрэнэй хэлэһэнэй ёһоор, элүүрые хамгаалгада хабаатай гол нэгэ зүйлынь болбол юрэнхылэгшын соносхоһон “Ута болон эдэбхитэй ами наһан” гэһэн гүрэнэй шэнэ үндэһэн түсэл эхилхэ тухай болоно.
Тус үндэһэн түсэл болбол 2030 он болотор хүнэй наһалха наһые 78 наһан хүрэтэр дээшэлүүлхэ, саашадаа – 80 наһа болгохо хэрэгтэй.
- Манай хүүгэдтэ туһа хүргэхэ эрхэ нүхэсэл байгуулагдаха, - гэжэ Лудупова тэмдэглээ. – Хүнэй элүүр мэндые дэмжэхэ болон түгээн дэлгэрүүлхэ хэрэгтэ юрэнхылэгшэ онсо анхаралаа хандуулаа. Манай ажаһуугшадые урмашуулхань ехэ һайн гээшэ, тэрэ тоодо ГТО тушаахада болон диспансеризаци гарахада налогой вычет хэгдэдэг болохо. Элүүр мэндэ байхын тула бидэ булта оролдохо ёһотойбди. Манай наһажаал эрхэтэдтэ онсо харууһан байха. Удаан саг соо халамжалха системэ манай гүрэнэй бүхы газар дэбисхэр дээрэ нэгэ стандарттай болохо ёһотой.
Олон хүүгэдтэй гэр бүлэнүүдые дэмжэхэ арга хэмжээнүүд гэр бүлын институт хүгжөөхэдэ туһа болохо, гүрэн дотор хүнэй түрэлтэ һайжаруулха болоно гэжэ тэрэ нэмэжэ хэлээ гэжэ Восток-Телеинформ бэшэнэ.
