Буряад Уласай Толгойлогшо Алексей Цыденов «Буряадай харгынууд» гэһэн эмхи зургаанда Муйскын аймагта шулуу буталжа шэгшэхэ шэнэ заводой ажаллажа эхилһэн тухай дуулгаба.
Тус завод ашаглалгада тушаагдаад, мүнөө дүүрэн хүсэтэйгөөр хүдэлнэ. Тиихэдээ харгы заһабарилгада, барилгада хэрэгтэй буталагдаһан шулуу, элһэ, хайр гэхэ мэтэ һайн шанартай түүхэй эдээр хойто аймаг хангагдаха болоно.
Энээнhээ урид Муйскын аймагта асфальтын завод ашаглалгада тушаагдаа бэлэй. Заводой эгээл ехэ хүсэн часай туршада 100 тонно болоно. Таксимо тосхоной шэнэ заводой асфальт нүхэ заһабарилгада ашаглагдажа эхилэнхэй. 2026 ондо дулаан сагай ерэхэдэ, тойрогой түбтэ харгынуудай дүүрэн хэмжээнэй заһабарилга эхилхэ. Таксимодо гансашье энэ хэрэгтэ зорюулагдаһан завод бии бэшэ, мүн тосхондо асфальт хушаха шэнэ түхеэрэлгэнүүд асарагдана. "Асфальт үйлэдбэрилдэг завод болон шулуу буталха шэгшэхэ комплекс хамта нэгэ үйлэдбэриин һэльбэн шэнэлэлгэ болоно: олзоборилго, түүхэй эд болбосоруулха, асфальтобетон холисо үйлэдбэрилгэ, хабтагай хушалга. Энэнь хойто аймагта болон бүхыдөө уласта ехэ удхатай. ГОСТ-ын ёһоор материалнуудай шанар шалгаха болон харгы барилгын болзорой мониторинг хэхэ", - гэжэ Цыденов Теграмм-каналдаа бэшэһэн байна.
