Буряад Уласта уласай толгойлогшо Алексей Цыденовэй болон БНХАУ-н “Шоуненг хүрэнгэ оруулга” гэһэн ООО-гой захиралнуудай зүблэлэй түрүүлэгшэ ноён Юй Чжихатай албан ёһоной уулзалта үнгэрөө. Энэ компаниин хүтэлэгшэд “Улаан-Үдэ – Хайнань арал, Улаан-Үдэ – Бээжин” гэһэн шэглэлээр шууд ниидэлгэ нээхэ асуудал хаража үзэжэ байна.
Юй Джихай ноёной дуулгаһаар, Хайнаниин ниидэлгын шугамай хүтэлэгшэд саг үргэлжын ниидэлгэ нээхээр бэлэн. Олон уласай авиакомпани болбол ород уласай түншэнүүдтэй хүдэлхэ баян туршалга дүршэлтэй юм.
Зоригшодые зөөхэһөө гадна ашаа зөөхэ ниидэлгын замуудые хэлсэжэ үзөөд, ерээдүйн иимэ ажалай тухай хөөрэлдөөн болоо. Буряад Уласай толгойлогшо транзит авиа ниидэлгэ бии болгохо асуудал хаража үзэхэ тухай һанамжа оруулаа.
- Ашаанай болон зоригшодые зөөхэһөө гадна транзит нээгээ болбол энэ ерэдүйтэй байжа болохо. Улаан-Үдэ аэропорт болбол ИКАО-гой (ICAO – ред. ажаглалта) табадугаар шатын агаарай сүлөөтэй гэһэн тэмдэгтэй. Ород улас дотор Владивосток, Сочи болон Улаан-Үдэ – эдээхэн лэ гурбахан хотонууд транзит хэхэ зэргэтэй болоһон аэропортнууд юм, - гэжэ Алексей Цыденов дуулгаһан байха юм.
