Мүнөөдэр февралиин 19-дэ Буряад Уласай Толгойлогшо Алексей Цыденов Хүдөө ажахын ба эдеэ хоолой яаманай бүлэг мэргэжэлтэдтэ шэнэ сайд Буряадай гүрэнэй хүдөө ажахын академиин экс-ректор Галсан Дареевтай танилсуулба. Энэ хэмжээ ябуулгада түрүүшын сайд Даба-Жалсан Чирипов хабаадаа.
- Чирипов Даба-Жалсан Шагжиевичта олон жэлдэ хэhэн ажалайнь түлөө баяр баясхаланаа хүргэнэб. Хүдөө ажахыда ехэ ажал хэгдэhэн байна: улас олон программануудта ороо, газар олон, ехэ болоо, - гэжэ Алексей Цыденов тэмдэглэнэ. Хүдөө ажахы манай уласта ажабайдалай гол шухала шэглэл болоно. Улад зоноймнай хахадынь хүдөө нютагта ажаhуудаг, тиимэhээ хүдөө ажахы гээшэ – хүдөө нютагта хүн зоной ажал, ажабайдал болоно..
Хүдөө ажахын хүгжэлтэ хадаа манай уласай шухала зорилгонуудай нэгэн болоно, тиимэhээ хүдөө ажахын яаманай урда харюлсалгатай уялга байна, - гэжэ Буряад Уласай толгойлогшо тэмдэглэбэ. Мүнөө энэ харюусалга Галсан Дареев даажа абаха. Түсэб болон түсэлнүүдые тэрэ саашань бэелүүлхэ, шэнэ арга боломжонуудые бэдэрхэ, нэбтэрүүлхэ, - гэжэ Алексей Цыденов хэлэбэ.
Даба-Жалсан Чирипов суг хүдэлhэн бүхы зондо өөрынгөө зүгhөө баяраа хүргөө.
