Ноябриин 13-14-дэ үнгэргэгдэхэ тэрэ хуралдаанда Улас түрын Толгойлогшо Алексей Цыденов, ажахы һалбаринуудай мэргэжэлтэд, ниитын хүдэлөөнүүдэй эдэбхитэд, федерациин болон нютаг можонуудай зиндаагай түлөөлэгшэд ба депутадууд олоор хабаадалсахаар хүлеэгдэнэ.
Улаан-Үдые хүгжөөхэ талаар элдэб янзын асуудалнууд хоёр үдэрэй туршада харагдахаар багсаамжалагдана. Юрэнхыдөө, Байгал оршонхи нютаг можонуудай байра байдал һайжаруулха тухай зүбшлөө хурладаанууд зарлагдаха байха. Илангаяа, тосхон һуурингуудай ажабайдал хангаха арга боломжонууд, энэ сагай түрүү оньһон арганууд хабаадагшадай һонорто мүн лэ дурадхагдаха.
«БРИФ-2017» хуралдаанай гол талмайнуудай дунда гэр-байрын ажахын эмхинүүдтэ хүдэлхэ мэргэжэлтэдые яажа бэлдэхэб гэхэ мэтын асуудал зүбшэгдэхэ юм. Хайшан гэжэ залуушуулые энэ хэрэгтэ хабаадуулхаб, хубиин болоод гүрэнэй хоорондохо харилсаа ямар хэбээр бэхижүүлхэб, хүнэй гэр байрануудые хангалгын эмхинүүдтэ мэргэжэл ехэтэй ажалшадые яажа урмашуулжа татахаар бэ гэхэ мэтын хүндүүлхэй шухала асуудалнууд хэлсээндэ тэндэ табигдахаар түсэблэгдэһэн байна.
