Буряад Уласай Толгойлогшо Алексей Цыденов июлиин 2-рой вторнигой үдэр Яруунын аймагай заха холын тосхондо - Целинный тосхон ажалай хэрэгээр хүрэжэ ошоо. Тэндэ 2023 оной октябрь соо заһабаригдаһан автомашинын харгын байдал шалгаа.
- Мүнөө Улаан-Үдэһөө залуушуул фермерэй ажахы хүгжөөхэ, хүдөөдэ өөрын ажал нээхэ зорилгоор ошожо эхилээ. Тиимэһээ Целинный руу залуушуул ошожо, өөрын ажал эрхилэг, мал үдхэг, өөрын газар дээрэ эзэн болог гэжэ хэлэхэ байнам, - гэжэ Алексей Цыденов хэлэнэ.
“Хүдөө һуурин газарнуудые хүгжөөлгэ” гэһэн гүрэнэй түсэлөөр федеральна, уласай болон нютагай бюджедүүдэй мүнгэнэй тоосоогоор “Улаан-Үдэ – Романовка – Шэтэ холбоһон харгын 2 км - 17 км харгы” гэһэн харгы баригдаа.
Захил оруулагша болон дүүргэгшэд - ООО «Дорожное строительное управление-38» - харгы барилгада ехэ һайнаар ороо: уһа табиха хоолой гаргаа, газар ехэ зөөжэ харгыгаа бүхэлөө, харгын хушалта һайн хээ, геотекстиль хэгдээ, барьер түхеэрэмжэнүүд хэгдээ, дохёо үгэхэ тэмдэгүүд хэгдээ, хэрэгтэй ажалнууд хуу һайн лэ дүүргэгдээ юм.
