Гүрэнэй ажалда ябаһан албатанай пенсидэ нэмэри мүнгэнэй бүхы хэмжээн 2016 оной дүрэтэр 37,7 сая түхэригөөр хасагдаха болоо. Энээн тухай улас түрын мүнгэн һан тухай хуулиин түсэл дотор хэлэгдэнэ. Энэ түсэл Арадай Хуралай ноябрь соо үнгэрхэ сесси дээрэ харагдаха.
Анхан Восток-Телеинформын дуулгаһаар, 2016 оной апрель һарада парламентын депутадууд удаан сагай арсалдаанай һүүлдэ гүрэн түрын түшэмэл ябаһан зоной пенсинүүдые хасаха тухай шиидхэбэри абаһан байгаа. Зарим депудадуудай хэлэгшээр эгсэ хахадынь бэшэ, харин 40 процентнь хороогдоо. Тиигээдшье хододоо бэшэ, нэгэл жэлэй туршада тэрэнь хагсуулагдаһан байна.
Энэ ушараар, Буряад орондо ВИП-пенсинүүд тухай хуулиин эрилтэдэ 926 хүн тудалдана, зүгөөр жэлэй 750 сая түхэриг энэ хэрэгтэ дамжуулагдадаг байба. Нэгэ ВИП-пенсионертэ бага зэргэнь һарын 80 мянган түхэриг, харин дээдэ хэмынь 270 мянган түхэриг болоно.
