Тус дансада Арадай Хуралай түрүүлэгшэ Цырен Доржиев ба Буряадай МВД-гэй сайд Олег Кудинов гэгшэд гараа табяа. «Энэ хэлсээмнай улад зоной аюулгүй байдал сахиха хэрэгтэ аша туһатай байхань дамжаггүй», - гээд Арадай Хуралай Түрүүлэгшэ бата найдамтай.
Олег Кудиновай хэлэһээр, Буряад уласта олониитын ёһо гурим хамгаалгатай болоод гэмтэ ябадалтай тэмсэлдэ хабаатай байдал яһала хүшэр, гэбэшье хатуу хиналта доро.
- Хүндэ гэмтэ ябадалнуудай хэмжээн дээшээ бодоогүй, - гээд Кудинов тэмдэглэбэ, - 2015 оной дүнгүүдээр энэ талаар баримтануудай тоо 6 процентээр доошолоо, хажуугаар республика дотор аша үрэтэй мүрдэлгын дүнгүүд Оросой дунда хэмһээ дээшэ. Энэмнай засагай бүхы зургаануудай һэргылэмжын ажал ябуулһанһаа болоо. Жэшээнь, харгын дүрим хазагайруулхые һэргылһэн хэмжээ ябуулганууд һүүлэй үедэ эрид олошороо.
Тиигэжэ, фото, видеохуулбаринуудые хэдэг тусхай хэрэгсэлнүүд абтаа. Тэдээнүүдэй ашаар бюджет руу ялануудһаа ородог мүнгэнэй хэмжээн 24%-оор дээшэлээ. 2015 ондо Буряад Уласта харгын аулгүйе сахиха хэрэгтэ дүн хамта 104 сая түхэриг дамжуулагдаһан байгаа. Тиимэһээл энэ жэлдэ эрхэтэдэй харгы дээрэ гэмэлтэхэ ушар һүүлэй 20 жэлэй туршада тон бага байба ха.
