Буряад Уласай Арадай Хуралай Эдэй засагай, байгаалиин нөөсэ баялиг хэрэглэмжын болон оршон тойронхи ариг сэбэрые сахилгын талаар хорооной шэнэ түрүүлэгшээр Анатолий Кушнарев һунгагдаба. Анха түрүүн энэ тушаалда хоёр депутат дэбжүүлэгдэһэн байгаа – Анатолий Кушнарев, Сергей Бужинаев. Тусхай һунгалтын дүнгөөр, Кушнаревай түлөө 33 депутат дуугаа үгөө, харин Бужинаевые 26 хүн дэмжэһэн байба гээд элирээ.
- Гайтай тулалдаанда илалта тйлагдаба. Гэбэшье саашадаа суг хүдэлдэг нүхэдтэеэ ажалаа хамта ябуулдаг зангаараа ябуулхабди, - гээд Анатолий Кушнарев һунгалтаяа тайлбарилна һэн. – Энэ Хорооной бүридэлдэ хоёр жэл эгсэ хүдэлнэб, тиимэһээ бэрхэшээлнүүдынь намда һайн танил, яһала мэдэнэб, ойлгоноб. Манай дүтын сагай түсэбүүд гэхэдэ, 2030 оной болзорто хараатай тусхай программа зохёохо шухала.
Гэхэ зуура, Буряадай гүрэнэй хүдөө ажахын академиин кафедрын багша, профессор һэн хойноо тэрэ дээдэ һургуулидаа ажалаа орхихо хэбэргүй.
- Хэшээлнүүдые ябуулаашьегүй һаа, мэргэжэлтэдые бэлдэжэл байхаб, - гээд Кушнарев тэмдэглэхэ юм.
