Мүнөөдэр, ноябриин 13-да, Арадай Хуралай ээлжээтэ сесси дээрэ «Бэеын тамирай соёл болон спорт тухай» хуулида хубилалтанууд оруулагдаба. Спортын элдэб зүйлнүүдээр тамиршадта адли тэгшэ урмашуулга хангахын тула, нэгэ тэмсээндэ оройдоол нэгэ эрхим дүнгүүдые туйлаһанай түлөө гүрэнэй нэгэ удаагай шан түлэгдэхэ гээд тогтоогдоо.
Нэгэ тэмсээндэ тамиршадай олон шэглэлээр (хэмжээ ябуулгануудта) хабаадаха аргатай спортын зүйлнүүд бии болоһон дээрэһээ заһалтанууд оруулагдаа. Тодорхойгоор хэлэбэл, хүнгэн атлетикэдэ тамиршад зайһаа дулдыдажа, элдэб шэглэлээр мүрысэхэ аргатай. Харин боксёрнууд ганса нэгэ шэгнүүртэ мүрысэнэ.
"Мүнөө үедэ нэгэ мүрысөөндэ шанда хүртэһэн тамиршад ондо ондоо тооной шан абаха аргатай гэһэн хоёрдохёор ойлгосотой байдал тохёолдоо. Татарстан Уласта болон Саха (Яхад) Уласта иимэ шан түлэхэ дүрим хэрэглэгдэнэ", - гэжэ Спортын сайд Иван Козырев тэмдэглэбэ. Гадна тамиршадай тамирай шадабари дээшэлүүлхэ, Олимпиин, Паралимпиин, Сурдлимпиин программануудта ородог спортын зүйлнүүдые хүгжөөхэ, олимпиин нөөсэ хүгжөөхэ талаар заһабаринууд абтаа. Жэшээнь, уласхоорондын мүрысөөнүүдтэ (самбоһаа бэшэ) 20-һоо үсөөн гүрэнүүд хабаадаа һаань, гүрэнэй нэгэ удаагай тамирай шан 50%-ээр түлэгдэдэг. Холбоото тамирай нэрэ зэргэнүүдые ба зиндаануудые олгоходо адли эрилтэнүүд табигдана.
