Арадай Хуралай Түрүүлэгшэ Владимир Павлов Буряад Уласай һургуулиин һурагшадта Ородой Холбоото Уласай Федеральна Суглаанай Федерациин Зүблэлэй “Шэн зориг харулһанай түлөө” гэһэн медальнуудые барюулба. Хүбүүд энэ жэлдэ хэһэн үйлэ хэрэгүүдэй– түймэр унтарааһан, хүнүүдые абарһан, гэмтэ хэрэг үйлэдэһэн хүниие бариха хэрэгтэ туһалһанайтүлөө шагнагдаһан байна.
“Мүнөөдэр бидэ энэ жэлдэ эрэлхэг зоригтой байһанайнь түлөө Ородой Холбоото Уласай Федеральна Суглаанай Федерациин Зүблэлэй дурасхаалай медальнуудаар шагнагдаһан эдир баатарнуудаа хүндэлнэбди”, - гэжэ Буряад Уласай Арадай Хуралай түрүүлэгшэ Владимир Павлов хэлэбэ. - Мүнөөдэр энэ таһалга соо эхэ эсэгэтэйгээ хамта байһан арбан үхибүүд зоригтой, шиидхэбэритэй байһанай бодото жэшээ болоо. Энэ дэмбэрэлтэ оршон байдалда бидэ тэдэндэ Федерациин Зүблэлэй хүндэтэ шагналнуудые, Буряад Уласай Арадай Хуралай Баярай бэшэгүүдые барюулхабди. Түрэлхидэй, илангаяа Адамовска дунда һургуулиин захиралай орлогшо Ирина Александровнагай аша габьяада онсо анхаралаа хандуулхабди. Тэрэ болон тэрэнэй хүмүүжэмэлнүүд Алтан Бүргэ гэжэ газарта болоһон ойн түймэрэй үедэ шабинартаяа онсо эрэлхэг зориг харуулаа. Ирина Александровна Адамово тосхоной үхибүүд болон ажаһуугшадтай хамта түймэр саралгын албанай ерэхын урда тээ түймэр элирүүлжэ, унтараажа шадаһан байна.
Буряад Уласай Арадай Хуралайниигэмэй бодолгын талаар хорооной түрүүлэгшэ Игорь Марковецэй тэмдэглэһэнэй ёһоор, үхибүүд булта номгон даруу зантайхан гэжэ харагдабашье, үнэн дээрээ аргагүй зоригтой байһанаа харуулаа бшуу.
