2023 ондо Буряад Уласай 100 жэлэй ой тэмдэглэхэ хүреэндэ «Ice Golf Байкал-2023» гэһэн гольф наадаар анха түрүүшын ехэ тэмсээн үнгэрхэ гэжэ Буряад Уласай Засагай газарай холбоосоор Восток-Телеинформ
мэдээсэнэ. Мүльһэн бүтээлнүүдэй фестивальтай болон гольф наадаар түрүүшын хэшээлнүүдтэй ба бүхы дуратайшуултай харагшадтай мини-турниртэй наадаа зугаатай нэгэдүүлэгдэһэн мүльһэн дээрээ гольф нааданай уласхоорондын турнир үнгэргэлгэ болохоор хараалагдана.
– Буряад Уласта үшөө нэгэ үйлэ ябуулгын арга хэмжээн болохоор бэлдэгдэнэ, тэрэ болбол Байгал дээрэ гольф наадан болоно. Һаяын үдэрнүүдтэ Түрхэ һууриндахи Байгалай гаваньда һорилгын турнир үнгэрөө, тэндэ Москвагай, Санкт-Петербургын болон Финлянди уласһаа мэргэжэлэй гольф наадагшад оролсоо юм. Айлшад энэ хэмжээ ябуулгые үндэрөөр сэгнээ, тиимэһээ Байгалай мүльһэн дээрэ гольф наадан болохо. 2023 ондо түрүүшын наада зохёон байгуулагшад болохобди. Энээхэн ивент-хэмжээ ябуулга, жэшээнь Байгалай миля, Байгалай загаһашалга гү, али Үльгэрэй Сагаалган мэтэ Буряад Уласай ажаһуугшадта болон айлшадта баһал таалагдаха байха, тиигэжэ жэл бүри үнгэргэгдэдэг хэмжээ ябуулгануудай жагсаалда орохо байха гэжэ найданаб, – гэжэ Алексей Цыденов тэмдэглээ.
“Гольф Аяншалгын уласхоорондын түб” гэһэн АНО-гой захирал Анна Овчинниковай хэлэһэнэй ёһоор, найман лункатай, мүльһөөр хэһэн барималнуудтай болон гайхалтай мүльһэн шэмэглэлтэй гольф-ландшафт байгуулхаар хараалгадана.
– Хэрбээ бүхы дэлхэй дээрэ гольф наадан саһан дээрэ болодог һаань, Байгалай мүльһэн дээрэ наадан – тамиршадта шэнэ туршалта болохо. Байгал хүрэжэ ерэхэ һанаатай аяншалагшад Буряад Уласта өөһэдын дуратай наада – гольф надааха аргатай болохо. Азиин туроператорнуудһаа, эдэ болбол Солонгос, Япон, Сингапур, Гонконг, Хитад уласуудһаа гольф-аяншад ерэхэ байха гэжэ һананабди. Ород гүрэнэй гольф һонирхогшод Буряад Уласай экологиин, түүхын-угсаатанай зүйн болон соёлой бүридэлые сэгнэхэ болоно. Хрин гадаадын иргэд, тэдэнэр 15 сая оршом хүнүүд тоологдодог, тэдэнэр Буряад Уласые өөһэдынгөө ууган нютаг гэжэ тоолодог. Манай зорилго болбол 10 жэлэй ерэдүйдэ Азиин-Номгон далайн нютаг можонуудай уласуудһаа тусхай зорилгото гольф-заха зээлиин аяншалагшадые 5 дахин нэмэхэ, нютаг можодо зөөри хүрэнгэ оруулха болон нютаг можын аяншалгын бүтээн байгуулалта хүгжөөхэ болоно.Дүтэхэнэ, һонирхолтой, ойлгосотой – иимэ булюу талануудые бидэ мүнөө Ice Golf Байкал-2023 гэһэн аяншалгын продуктһаа мүнөө дуулажа байнабди. Ород гүрэндэ, мүн тиихэдэ Хита, Гонконг, Сингапур, Вьетнамда – һонирхол татажа байна, – гэжэ Анна Овчинникова хэлэнэ.
Хожом саашадаа энэ наадан жэл бүри үнгэргэгдэхөөр хараалагдана.
