Экономическа политикын, байгаалиин нөөсэ баялигуудые ашаглалгын ба тойронхи оршон хамгаалгын хорооной суглаан дээрээ «Об отдельных вопросах предоставления субсидий на оплату жилого помещения и коммунальных услуг в Республике Бурятия» гэжэ хуулиин проект дэмжэбэ. Энэ баримта бэшэгтэй Барилгын ба гэр байрын-коммунальна ажахы шэнэлэлгын яаманай сайдай орлогшо Евгений Коркин танилсуулба. Тэрэнэй хэлэhээр ажаhуугшад субсидиин мүнгэ абабашье, тэрэнээ зорюулагдаhан шэглэлээр хэрэглэнэгүй.
Мүнөө сагай байдалаар байрын болон коммунальна ажахын эмхинүүдэй үри 893 млн. түхэригтэ хүрэнэ, тэрэнэй хахадынь – ажаhуугшадай үри болоно. Yри сугларhанай шалтаг хадаа, зоной түлбэриин журам муу байhанhаа. Иимэ байдалhаа нөөсэ хангалгын эмхинүүд жэл бүхэндэ банкрот болоно.
- Хуулиин түсэлөөр арад зондо субсиди үгэжэ тэдхэмжэ хүргэхэдөө, тэрэнииень сэхэ нөөсэ хангалгын эмхинүүдтэ дамжуулагдаха, -гэжэ Евгений Коркин ойлгуулба. Тиимэhээ ажаhуугшадhаа түлбэри суглуулга дээшэлхэ, зон абаhан субсидиеэ зорюулагдаhан шэглэлээр хэрэглэхэ. Компанинууд орохо мүнгэнэйнгөө хэмжээ уридшалан гаргадаг болохо, саг соогоо түлишэеэ абажа, үбэлдэ бэлдэлгэ болзор соонь үнгэргэжэ шадаха.
2020 ондо субсидиин хэмжээн 692 млн. түхэриг болоо, энээндэ 12,5 мянган зон хүртэhэн байна.
