Буряад Уласта амидархын доодо гарза тооложо гаргалгын гурим хубилуулагдаба – тусхай хуули февралиин 25-да Арадай Хуралай ээлжээтэ сесси дээрэ абтаа. Буряад Уласай хуулиин согсолбори Холбоото уласай хуулиин ёhоор болобо.
- 2020 оной декабрь hара соо Гүрэнэй дүүмэ 2021 оной январиин 1- hээ амидархын доодо гарза ба МРОТ-ой доодо хэмжээ тооложо гаргалгын шэнэ гурим тухай хуулиин тогтоол баталhан байна гэжэ hануулая. Мүнөө эдэниие харуулhан тоо «эдлэлгын торходо» хабаатай бэшэ боложо, эрхэтэнэй дунда зэргын олзоhоо болон салингай нютаг можын дифференциальна коэфициентhээ дулдыдаха болоно.
Амидархын доодо гарза жэлдээ нэгэ дахин тооложо гаргадаг болохо, түрүүн гурба hарын нэгэ дахин тоолодог байгаа. Амидархын доодо гарзын хэмжээн олондо хабаатай тэдхэмжэ болон пенсидэ нютаг можын, холбоото уласай нэмэлтэ тооложо гаргалгада хэрэглэгдэдэг, - гэжэ Социальна политикын талаар хорооной түрүүлэгшэ Игорь Марковец тодорхойлжо үгэбэ.
- Амидархын доодо гарзын хэмжээн Буряад Уласта энэ жэлэй сентябриин 15 болотор Буряад Уласай Засагай газарта нютаг можын дифференциальна коэфициент хэрэглэн тогтоогдобо.
