«Жильё и городская среда» гэжэ үндэhэтэнэй түсэлөөр гэрнүүдэй газаахи заhабарилгын шанар экспертнэ комисси шалгаба. Энэ комиссиин бүридэлдэ «Единая Россия» партиин гэшүүн «Городская среда» гэжэ түсэлэй нютаг можын тэнсүүлэгшэ Арадай Хуралай hунгамал Батор Цыбиков, Арадай Хуралай hунгамал Галан Гунзынов, Арадай Хуралай hунгамал Намсарай Намсараев, Улаан-Yдэ хотын горсоведэй hунгамал Дмитрий Турченюк, «Тивиком» телекомпаниин гол ударидахы захирал Антон Пластинин гэгшэд оробо.
Хэмжээ ябуулгын үедэ хэдэн гэрнүүдэй газаахиие шалгажа гараа. 1905 оной Революциин үйлсэдэ 42-дохи гэрэй газаахиие заhахын хажуугаар ажалда хүлhэлэгшэд бороогой уhанай урдаха шэнэ канализаци ажаhуугшадай гуйлтаар татаа. Октябриин 50 жэлэй гудамжада, 5-дахи гэрэй газаа шэнэ асфальтын хушалта харгы дээрэ дэлгэгдээ. Харин ажаhуугшад заhабарилагдаhан хорой соонь гэрэй барилгашад шэнэ дулаасуулгын hужаа татахань гэжэ hанаагаа зобоно. Ниитын ажалда хабаадагшад энэ асуудалыень шиидхэхэ болоо. Ербановай нэрэмжэтэ үйлсэдэ 1-дэхи гэрэй газаа автомашинануудые табиха талмай байгуулаа.
Жэл бүхэндэ бүтээгдэhэн ажалай шанар дээшэлнэ гэжэ ниитын ажалда хабаадагшад тэмдэглэбэ. Гэрэй газаахи харгы, хорой соохи элдэб түхеэрэлгэнүүд түсэлэй ёhоор ба саг соогоо бүтээгдэнэ.
