Буряад Уласай Арадай Хуралда боксоор Россин абаргануудые хүндэдхэн ёhолол үнгэрбэ. Байгша оной апрель hарада Кемерово хотодо эхэнэрнүүдэй дунда боксоор Россин чемпионат үнгэрбэ. Дээдэ Хуралай гэшүүд алтан медальнуудаар Ткачёва Кристиные ба Воронцова Людмилые амаршалба. Үшөө энэ жэлдэ хүлэр медальда түрүүшынхиеэ хүртэhэн Наталья Шадринае онсо тэмдэглэбэ,- гэжэ Восток – Телеинформ бэшэнэ. Арадай Хуралай түрүүлэгшэ Владимир Павлов ехэ шанга мүрысөөнэй илагшадые хүндэлхэ ёhо hайн заншалта болоо гэжэ тэмдэглээ.
- Россин чемпионадта Буряад Уласай юhэн тамиршад хабаадаа. Шадринаhаа гадуур хүлэр медаль Сандакова Дарима, Галешина Елена шүүгээ. Буряадай команда гурбадахи hуури эзэлээ. Хамта дээрээ энэ мүрысөөндэ 160 тамиршад 42 нютаг хизаарнуудhаа хабаадаа – гэжэ тэрэ мэдээсэбэ.
- Манай тамиршад маанаада дахин ехэ баярлуулба, урмашуулба. Энэ хадаа Буряад Уласаймнай Спортын болон залуушуулай бодолгын талаар яаманай, манай тамиршадай, hоригшодой тодорхой зорилготой хүдэлмэри гэршэлнэ гээшэ. Абаргануудаа Арадай Хуралай байшан соо хүндэдхэн ёhолхо hайн заншалта болоо. Таанад манай дайнай ветерануудта Илалтын үдэртэ ехэ hайн бэлэг болгобот. Энээнэй түлөө таанадта ехэ баярые хүргэнэбди. Танаадаараа бидэ омогорхонобди, - гэжэ В.Павлов амаршалгын үгэнүүдые хэлэбэ.
