Алексей Цыденов Буряад ороной үйлэдэбэриин шадабари шадал Сеул хотодо түлөөлхэ. Буряад Уласай Толгойлогшын ударидалга доро уласай делегаци майн 22-то ород – солонгос хуралдаанда хабаадаха. Алексей Цыденов Солонгос гүрэндэ Ородой Холбоото Уласай бүрин эрхэтэ түлөөлэгшэ Андрей Кулик, Ород гүрэнэй Худалдаа наймааанай түлөөлэгшэ Михаил Бондаренко хоертой уулзаба гэжэ Восток-Телеинформ бэшэнэ.
Үшөө тиихэдэ Солонгос гүрэнэй Үндэhэтэнэй Ассамблейн вице-спикер Джу Сонг Ёнтой, Солонгос гүрэнэй арбан хоёр компаниин түлөөлэгшэдтэй уулзалга тусэблэгдэнхэй.
Солонгосой бизнес – форум дээрэ Буряад Уласай эдэй засагай болон мүнгэ оруулалгын, аяншалгын арга боломжонууд, Улаан-Үдэ хотын авиазавод, «Амта», Буряадай фанернэ завод «Ольхон», ООО «ДРД» болон бусад үйлдэбэринүүдтэй танилсалга харуулагдаха.
Хамта дээрээ Буряад Уласһаа хори гаран компани Солонгос орон бууба. Энэ хэмжээ ябуулга Солонгосой ГЕО Групп компаниин үүсхэлээр эмхидхэгдээ. ГЕО Групп компани «Байкальская Гавань» гэжэ газарта аяншалгын ехэ комплекс барилгада инвестици оруулха хүсэлэнтэй. Делегациин бүридэлдэ Буряад Уласай Засагай газарай Түрүүлэгшын эдэй засагай хүгжэлтын талаар орлогшо Алексей Мишенин, аяншалгын сайд Мария Бадмацыренова, Ородой Холбоото Уласай Юрэнхылэгшын дэргэдэхи Буряадай түлөөлгын газарай хүтэлбэрилэгшын уялга дүүргэгшэ Антон Виноградов, Буряад Уласай хүгжэлтын жасын юрэнхы захирал Борис Дымбрылов, «Байкальская Гавань» гэжэ газарай юрэнхы захирал Алексей Тогошиев гэгшэд оробо.
