Тэрэ тоосоон Олониитын байдал хангаха түрын талаар хороондо шагнагдаһан байна. Хиналта эрхилэгшэ тэрэ зургаанай түрүүлэгшэ Евгений Пегасов 2017 ондо Тоололгын палата 262 шалгалтын хэрэг ябуулаа гээд тоособо, гээд парламентын хэблэлэй албанай мэдээсэл дууряан, Восток-Телеинформ дуулгана.
Палатын аудиторнууд гүрэнэй һанһаа хангалтатай эмхи зургаануудай хүтэлбэрилэгшэдэй болон юрын ажалшадайнь дунда зэргын салин хүлһэнүүдэй илгаагай хэмжээ хуулитай зохилдохые, капитальна заһабарилгын жасын, Кабанскын аймагай Улаан Жалга нютагай һургуули-байра барилгын мүнгэнэй эрьесэ болон бусадые багсаамжалан шалгаа.
Шалгалтын дүнгүүдээр мүнгэн һангай зорилго буса хэрэглэгдэххэ ушар элирээгүй, харин ашагүйгөөр гаргашалагдаһан мүнгэнэй хэмжээн 6,5 сая түхэриг бүридүүлһэн байна.
- Тоосогдоһон хугасаа соо 74,7 сая түхэригэй мүнгэнэй дүрим хазагайруулагдаһан ушарнууд усадхагдаа, тэрэ тоодо 482 мянган түхэриг һанда бусаагдаа, 1 сая түхэригэй ажалаарнь тэхэрюулэгдээ, - гээд Евгений Пегасов тэмдэглэбэ.
Ниитын байдалай түрын талаар хорооной түрүүлэгшэ Александр Стопичев «хазагайруулгануудые ганса элирүүлхэ бэшэ, тэдэнэй хожом дабтагдахагүйн тула һургаал заабари хэжэ байха шухала» гээд онсолон тэмдэглээ. Энэ талаар ажал мүн лэ ябуулагдана гэжэ найдуулна һэн. Тоололгын палатын шалгалтануудай дүнгүүдээр тэдхэмжэнүүдые хубааха, һангууд хоорондохи дамжуулгануудай дүримүүд нарижуулагдаха, мүн хэб хэмжээнүүд баталагдаха жэшээтэй. Улас түрын засаг зургаанууд Тоололгын палатын баримтануудые хараадаа абадаг байхань лабтай.
